*وصفات متميزة *اسياخ كباب السلمون وارز بالسبانخ *** طبق صحي وخفيف
اسياخ كباب السلمون وارز بالسبانخ
هذه الاكله اختراع كنت ادور على وصفات للسمك
تغيير عن المعتاد وتنفع لاكل صحي يناسب الرجيم
(يعني بضحك عى حالي طول ما انا داقه بالمعجنات فلا رجيم بعده ..... ههههه)
المهم شي يخفف عن شي .
ندخل على الطبخه
الطريقه والمقادير :
سمك سالمون فيليه
بصل مبشور ناعم جدا
زنجبيل طازج مبشور
بقدونس مفروم ناعم
بهارات مشكله فلفل اسود كمون بهار حلو ملح كزبره مطحونه كركم ثوم بودره
1م ص زيت زيتون (حتى ما ينشف السمك في الشوايه )
خضار حسب الرغبه انا وضعت
فلفل حلو مكعبات
بصل مكعبات
بندوره كرزيه
للارز
ارز بسمتي
مقدار كوب سبانخ مفروم
صنوبر مقلي
فلفل اسود وملح والقليل من هيل وكمون
للسمك نخلط كل المقادير مع بعض ونتركها بالثلاجه 1\2 س
نشكها بالاسياخ هي والخضار ونضعها على صينيه وندخلها الفرن على الرف الاوسط حتى ما تكون قريبه ولا بعيده عن النار ونشعل الشوايه على 400 ف
وحتى السمك ما بده فتره كتير لحتى يستوي مو متل اللحم والدجاج
المهم كل 5 د نقلب لحتى نشوف السمك بدا ينشف ويستوي
نشيله ونغطيه بالسوليفان لحتى يحافظ على الطراوه وما يكون ناشف
في اثناء وضع السمك بالفرن نجهز الارز
هو فكرته اني حابه لون السبانخ الاخضر يزين اللون الابيض للارز لهيك انا ما حابه اكتر من السبانخ
نفرم السبانخ ناعم
نقلب الارز بالزيت
(انا هذه الخطوه بعملها في معظم طبخات الارز البسمتي
بحس بتطلع الارز حبته متماسكه ومو مخبصه وواقفه
وما بنقع الارز )
بقلب الارز بالزيت مع التحريك المستمر حتى ما يلصق بالقاع لحتى يتغير لونه ويصير ابيض ناصع
نضيف السبانخ والبهارات والصنوبر المقلي ونقلب
بعده نضيف ماء لكل 1 ك من الارز 1و1\2 ك ماء
نتركه اول ما يبدى يغلي نوطي النار على اخر درجه ونغطيه ونتركه يستوي على مهله
ويقدم مع اسياخ السمك بالعافيه مع عصرة ليمونه
ان شاء الله يكون اعجبكم طبق خفيف ومفيد وصحي
رد مع الاستدلال
]
الروابط المفضلة