بسم الله الرحمن الرحيم

السلام عليكم ورحمة الله وبركاته

خروفي يا خروف غير لسانك ما رح نشوف

اليوم طبختي ليكو دسمة وكلها خضار وفيتامين وقوة ونشاط غير شكل
وهي ورق اللسان
مع لسان الخروف

كل واحد يخلي باله من لغلوغه
لانه بعد ها الاكله مش بس ها تاكلو صوابعكو ورا لالالالالالالالا انا بخاف على لساناتكو كمان

ياللا نبلش

اوكي
سوسو ولولو نامو الله يرضى عليهم
وانا صليت العشا والحمد لله ولبست مريول المطبخ وبلشت واتكلنا على الله

هذا ورق اللسان الاخضر وفي منه ابري اللي بطلع بالجبال لحاله ويا حبيبي على طعمه بجنن وفي منه بنزرع
والاثنين بنفعو
شوفو انا بحب انقعه بمية لانه متل هيك نوعية ورق بتكون فيها تراب ورمل كتير بس لما ننقعها مثلا طول الليل التراب كله بنزل لقاع الصحن وبهيك بنغسلة مرة وحدة بس بتكفي مو متل قبل كنت اغسل كل ورقة بورقتها ويهلكني

وهون لما غسلته

نسخن مية ونسلقه عادي زي اي ورق

وهذا لسان الخروف نضفته وغسلته وانا بحب اسلقه اول مرة وبس تطلع الزفرة اشيلها واضيف مية جديدة وبعدين اضيفلها المطيبات اللي بتحبي اضيفيها لسلق اللحمة انا ضفت كبش قرنفل، حب هيل، فلفل اسود حب، عود ميرمية صغير، عود شومر اخضر

تحضير الحشوة

لحمة مفرومة ورز وبهارات ملح وفلفل وبهار ودقة........زي ما تحبي يكون بالحشوة
انا بحب اقلب الحشوة اول اشوية على النار

نيجي هلاء للورقات..........واسهل طريقة نفرد كل الورقات على الطاولة مرة وحدة ونضيفلهم الحشوة ونلفهم فرد مرة

وهاي اللسان استوى شلته وقشرت عنه الجلدة البيضة اللي بتكون على اللسان
.....مممممممم بدناش اياها

نحطلنا شي ورقتين تلاتة بقاع الطنجرة ونصف فوقها اللسان وحواليها الورقات

امانة الله ما انا اشطرة باللف

رشة ملح

مرقة اللسان شوية شوية عشان ما يخربو الورقات الملفوفات

ونتركهم يستو على نار هادية
بطنجرة الضغط 20 دقيقة ولو على نار هادية بدهم شي ساعة ونص لساعتين كمان على نار هادية

وهيهم تراترا
استو
شوفو كيف ما شاء الله شو طالعين بجننوووووو

شوفو ها الورقة البايخة مش عارفة ليش ملزقة بقاع الطنجرة

زكرتني بحبة البوشار تاعت نكتة المجانين بتعرفوها؟
هاتو احكيلكو اياها
هذا كان في مستشفى مجانين بحكيلهم الدكتور للعيانين اتخيلو حالكم حبات بوشار وعم اطيرو وتفرقعو بالطنجرة
ههههه كلهم صارو ينطو ويشاغبو الا واحد قاعد على جهة
حكى الدكتور والله هذا شكله قاعد وشكله عاقل ومش مجنون
الا بحكيله وانتا ليش قاعد؟
قام اطلع فيه وحكاله ولو؟
انا حبة البوشار الملزقة بقاع الطنجرة
كركركركر

اوعو تحكو انها بايخة وقديمة

نرجع لورقاتنا

قلبنا الطنجرة وجهزنا السفرة

ومعزوزي اجى وبلش بالخمساوي
اخ عليك يا لسان الخروف اخخخخخخخ

استنو لا حدى يبلش لسا الطبخة سخنة مولعة نار
لا تحرقو اصابعكووو

يي تنسوش اللمون اهم اشي مع هيك طبخة

وهاي احلى صحن لعيونكو
وياللا عيشو صحن احمر

وريته صحة وهنا ومطرح ما يسري يمري

وبليز كل واحد يشيك على لسانك بس يخلص اكل لحسن يكون خربط

لكم تحياتي واحتراماتي

الماسة

ام سهام واسيل
والتالت على الطرق

تسلم الايادى وبمااننى اول رد فيعنى انه لطش

هههههههههههههههه نستينا الطبخه واللسان والي اكلوه يا لموس
وتسلينا بالقصه الحلوة والحكيات الحلوات
وتسلم ايدك يا ست المعدلات ما عليكي كلام
طبخه من الاخر وشيء فاخر علىالاخر
بكره على السوق جايبه لسان يختي
ليطلع بعين البوبو بعدين ههههههههههههههه

ههههههههههه اخ يا بطني
يقطع شرك يا لموسة شووووو هاظ
على قولة ميسوو اندمجنا بالقصة والحكيات الحلوات أكتر من الطبخة
وخصوصا حبة الفوشار الملزقة بالطنجرة هههههههههههههه
يسلمو ايديك حبيتي طبخة بتشهي ريته صحة على قلوبكم يا رب
الخميس رايحة عالشبرة ادور على ورق لسان يا رب الاقي منه
راح اعملها على ريش ما بحب اللسانات أنا وراح احط عليها صلصة بندورة
هيك بذكر امي الله يرحمها كانت تسويها

لموية النموسة اكيد ست المعدلات
الله يعطيكي العافية احلي اكل من احلي لموسة

روعة و حكياتك اروع الله يسلم هالايدين بارب

هههههههههههههههههههه
اندمجت كتيييييييييييير لدرجة شميت ريحة الطبخة
يسلمووووووووووووووووو
والله انك عسللللل ودمك شربااااااااااات يا نيالك ياعزوزي هههههههههه

هههههههههه
شفاعة
انت هون
امشي انجري على ركن الرجيم خخخخخخخخخخخ
كشفنا بعض هههههههه

يختييييي ما احلاها لموستنا وما احلى
طبخاتها وحكياتها يسلموا يا حلو
بتشهي بدون ما ادوق شكلها
روعه والف صحه وهنا