السلام عليكم يا حبيباتي واخواتي في الله
جاية كلي نشاط وحيوية بعد انقطاع فترة من الزمن اعتبرها طويلة جداً بالنسبة لي
لأني من جد وبدون مجاملة مرتاحة مرة معاكم .. تصدقون شي بس لا تضحكون علي
انا نقلت العدوى لزوجي وصار يجي ويتصفح منتذى لك ويشوف آخر المواضيع المطروحة ويقولي .. فلانة كاتبة موضوع كذا كذا.. وفلانة كاتبة الطبخة الفلانية وانا قريتها وشكلها لذيذ وابيك تسوينها لنا ... تخيلو هذا المشهد بس وزوجي مثل الحريم

( سبب انقطاعي عن المشاركة .. انا كاتبتة في قسم الطفل .. بس ارجوكم ابي المساعدة والردود والحلول.. وإذا تعزوني مثل اختكم لا تبخلون على بالمشاركة )
المهم ما اطول عليكم هذا طبق مرررة لذيذ

المقادير : 3 حبات خبز توست منزوع الحواف
3 بيضات
علبة قشطة
ملعقة صغيرة bp
علبة جبن شيدر متوسطة مبشورة
جبن سائل
عصاج
الطريقة :
يخفق البيض ويوضع في الخلاط الكهرباثي .. ثم القشطة.. ثم البيكنج باودر والخبز ثم الجبن
ثم تصب في صينية مدهونة مستطيلة ( تيفال ) ويدخل الفرن ويسوى من الجهتين ..
تقلب في صحن ويدهن الوجه بجبن سائل ثم ينشر على الوجه اللحم المعصج وتلف اسطوانياً .. ثم توضع في قصدير وتغلف وعند التقديم تسخن في الفرن ثم تقطع حلقات


والف هناء وعافية على قلوبكم