نواعمى العاملات والغير متفرغات
انا اقعدت فى حاجه كانت بتسهل عليا وقتى مش ايام شغلى لانى ما بشتغلش
ولكن توفرلى وقتى بعد ولادتى وبالذات اول بيبى لانه بيكون لبخه والام لسه صغيره
فأفتكرت شوية حاجات كده
- طبعا تنظيف الخضار واعداده فى الفريزر
- الطماطم جبتها بكميه وعصرتها وصفتها وسبكتها على النار وخزنتها فى علب بلاستيك فى الفريزر
- البصل مفروم ومرشوش عليه ملح وفلفل ومتقلى خفيف وخزنته فى علبه مش سميكه علشان اعرف اكسر قطعه بسهوله
- التوم مفروم ومرشوش عليه ملح علشان مايتخمدش فى الفريزر
- اللحمه المفرومع متعصجه فى الفريزر
- حتى كيس اللحمه بتاع الخضار فى نفس الكيس بتاعه بصله متقشره ومتقطعه اربع تربع
- قبل ما تروحى شغلك جهزى الرز كأنك حتطبخيه بالظبط المايه بالزيت بالملح ولما ترجعى ولعى عليه النار
- وكان الخضار الوحيد اللى يعتبر عندى سلاح ذو حدين طبخه سهل جدا لكن تجهيزه علقه فحليت المشكله ده
انى بعد ما بقطف الملوخيه واغسلها كويس اصفيها كويس جدا وانشفها بفوطه واحفظها زى ما هى ورق فى اكياس فى الفريزر كل كيس اكله
ووقت ما احب اطبخها اطلعها علطول من الفريزر واديها واحده ترررررررررررر
فى الكبه وهى مجمده علشان تتفرم بسهوله وتكون كده جاهزه للطبخ
الطريقه
بصله مفروم ناعم جدا او المايه بتاعة البصل
واقلبها تقلبتين فى شوية زيت
واكون عاصره 2 طماطم معاها قرن فلفل حار او اخضر عادى
واصفيهم واضعهم فوق البصل وعليهم شوية توم مفروم والملح والفلفل والكسبره الناشفه
تسبك الطماطم وازود الشوربه بتاعتى والملوخيه تقلبتين وقبل ما تغلى اجهز التوم المفروم للتقليه مع كسبره ناشفه وفى قطعة سمنه او زبده يصفر شويه واقلبهم على الملوخيه واغطيها دقائق قليله كل ده والملوخيه لسه مغلتش واقفل عليها النار
وبالف هنا وعافيه انا بحبها مع العيش المحمص والطرشى
ولو حابين تعرفوا الطرشى بتاعى اتفضلوا
الروابط المفضلة