هذي طريقة جديدة للبرياني من عندي لأني ماكنت أملك محتويات البرياني الكاملة وضبطت معاي وأتمنى تعجبكم الاكلة
المقادير
3 بصلات متوسطة مفرومة فرم ناعم
5 فصوص ثوم مهروسة
ملعقة طعام كاري ( مسحوق الكاري من مهران أو إسناد )
نصف ملعقة كركم
ملعقتين ونصف ملح
3 أكواب رز الوليمة
3 قرون فلفل أخضر وأحمر حار
زيت طبخ
الطريقة
بالبداية نكون منقعين الارز في ماء ســـــــــاعة ، وبعد كذا نغلي في ماء بالغلاية ، ونجيب قدر يستوعب طبختنا ونضع فيه الأرز ونصب عليه الماء الساخن بشرط ما تعبي القدر ماء عشان ما يطلع الارز مهروس ونضع عليه ملعقة طعام ملح وكمية بسيطة من الزيت ونضعه على نار متوسطة حتى يجف الارز من الماء تماماً .. وبعد كذا نجيب قدر أصغر من الأول ونضعه على النار ونضع كمية من الزيت ونضع البصل والفلفل ونبدأ بالتقليب لين ما يصير البصل لونه كالكراميل .. ونضيف الثوم المهروس عليه ونقلب بسرعة ونضع ملعقة ونصف ملح ونصف ملعقة كركم وملعقة كاري بودرة وشوي ماء مقدار فنجان القهوة العربي ونبدأ بالتقليب السريع ونغلق النار .. ونأخذ كمية بسيطة من الأرز ونضعه على الخلطة ونقلب زين ثم نضع الارز الممزوج بالخلطة فوق الأرز الأبيض ونقلب على خفيف حتى يمتزج اللونان الأصفر والأبيض للأرز ..
انتهينااااااااااااا
وش رايكم .. مو سهل .. عوافي ..
وياليت تكوني مقدمه مع هالأكلة سلطة اللبن الحراق
نجيب خلاط العصير .. ونحط فيه .. كوب لبن .. و5 قرون فلفل أخضر حار .. وشوية ملح .. وشوية نعناع يابس .. واخلطي .. وقدميها مع الارز ..
أبغى أشوف ردودكم الحلوة ........... وسلامتكم ......
رد مع الاستدلال
الروابط المفضلة