ياريت تدلوني على طريقة لطبخ الفر وخاصة المشوي ومشكورييييييييييييييييييييين

والله انتي ما بتتذكري الى الحاجات الحلوه
كيف حالك وشو اخبارك
طائر الفر او الفري زي ما بعرف زي الحمام بس اصغر حجم ولونه اغمق وهو زاكي وهو محشي بالارز وبالفريك او مشوي مع الخضار المشكله او في ناس - بس ماجربتها - بعملوه
مع الدوالي - ورق العنب - انا ذقتها يم يم
واذا بدك اياه محشي بالرز مقاديره هي
4-6 حبات فري
2-3 كرب رز منقوع
لوز او صنوبر
كبده الفري او لحمه مفرومه
بعدين بكمل جوزي اجا وبده يتعشا باااااااي

مع اني فلسطينية بس اْول مرة اْسمع فيه شكله زاكي بس وين احنا وين البلاد.
سلمت يداك.

تسلمين يا هنلي انا باعرف المحشي بس كنت نفسى بطرق ثانية المشوي مثلا او زي ما بتقولي اللي مع الدوالي وانا بانتظارك..

اهههههه مرحبا هيني رجعت
اذا بدك المشوي بتجيبي الفري وبتحطيه باي خلطه بهارات بدك اياها مثلا انا بحط
ملح وفلفل اسود و هيل وقرفه وزنجبيل وليمون وزيت
لازم الزيت علشان يضله طري وبعديها بتحطيه في اكياس الشوي او في صينيه وبتغلفيه بالقصدير
زي ما بتحبي وبتعملي وبتعملي بجانبه شوربه خضار مشكله
او ع الدوالي - ورق العنب- بتقطعيه من عند الرقبه ااى الاخر من جهه الصدر كيف بدي احكيلك
هيك بيكون مفتوح قطعه واحده وبتلفي الدوالي وبعديها بتحطيه في الشوايه او الفرن بتقلبيه -تحمير يعني - بس يروح الدم والزنخه ويختلف لونه وبعديها بتحطي في طنجره طبقه دوالي
ثم 1-2 فري ثم طبقه دوالي ........... وهكذا
وتحطي على الوجه عصير ليمون وكم سن ثوم وكم حبه بندوره وبهار وملح وبتغطي الطنجره على نار هادئه ولما يستوي يييييييييييم ييييييييم دوقي وادعيلي
او ممكن تحشيه بالفريكه الفريك يعني

تسلمين يا هنلي علىمساعدتك الطيبة وياريت تبعثيلي شوية ورق عنب من عندك اذا ما في تكلفة عليكي وهل يمكن استبداله بالملفوف لانه شكله مغري ...

ممكن كوسا لاني انا اكلتها كوسا ودوالي وكانت الكوسا والدوالي زاكيات كتتتتتتتتير

وشكرا