السلام عليكم حبيباتي

اخواتي الليبيات


نبي نسألكم عن طريقة الملوخية بالطريقة الليبية طبعا وحبذا الطرابلسية (مانعرفش ان كانت تختلف من منطقة لمنطقة لكن بما اني من طرابلس وذايقة ملوخية طرابلس فحابة اني اندير زيها)


لو سمحتم حد يعرف الطريقة يعطيهالي؟؟؟؟

مساء الخير اختي لبيان اني طرابلسية وهادي طريقتي وتجي تهبل تهبل وجربي ولو وحدة تانية عندها طريقة تانية ياريت تفيدك

هادي طريقتي
خودي طنيجرة وحطي فيها بصل مقرض وتومة مقرضة وشكشيها في الزيت وحطي لحيماتك اي نوع الاحسن لو عندك لحم ضان اني ندير فيها حتى بالدجاج وشكشيهم بالزيت والتومة وبعدين حطي طماطم الحكة وشوية بزار وفلفل احمر وملح زي ماتدديري طبيخة عادية وخلي مريقتك تغلي وخلي لحمك نص طياب او قريب يطيب وبعدين خودي صونية غارقة حطي فيها كشيكين كبار ملوخية او علي حسب كميتك المهم الكمية الي تبيها وخلطيهم في زيت وحركيهم كويس حتى تمتزج الملوخية اليابسة مع الزيت كويس وبعدين ضيفيهم علي مريقتك وخليها لين تغلي وتنزح مريقتك او بالاحرى لين تتعقد وخلاص بالهني والشفي
وتبي الحق اني مرات تفضل عندي طبيخة بازليا ولا فاصوليا مانلوحاش نضسفها عليها اتجي تهبل
جربي وادعيلي

اسمعي عندي ملاحضة في الاول ماتكتريش زيت هلبة بكل مع التومة والبصل لانك بعدين بتضيفي زيت مع الملوخية باش ماتجيكش تبغبغ زيت

ان شاء الله انكون افدتك

وخيتك نانا

مرحبتن بيكم يا بنات
اني ما سمعتش قبل على الملوخية الطرابلسية
ايه صح في اللي يديرو في الملوخية بس مش طرابلسية
في اللي يديرو ياهني عادي وفي اللي يديرو على الطريقة التونسية
حنان ليباي مرة حكت على الملوخية بطريقة امميتها
ان شا ءالله تجي وتقولك عليها وتفيدك بيها
وصحتين عليكم سلفا

انشاءالله موفقه للحصول عليها اختي

نعطيك طريقتنا احنا اهل الجنوب
الملوخيه طبعا يابسه ومرحيه
ونحن نديرو فيها باللحم اليابس يعني القديد
نحرق زي حرق المكرونه عادي وبدل اللحم الاخضر نحطو القديد
وعليه الملوخيه المرحيه مع ملاحظه الزيت مايكونش شوي اللي بتحرقي بيه
حتي تتحمس الملوخيه فيه مع البصل والتوم والقديد
طماطم اخضر ما ديريلها
خلاص يتحمسو مع بعض واديرليهم ملح وشوي بزار احمر وطماطم معجون ماتكتريش
ونصبي عليهم ميه مغليه عالنار
بالشوي الشوي
بعدها صبي ميه وهدي النار وخليها لين اطيب واتفرح عليك ريحجتها
وبعد اطيها علي راس الكاشيك
بهارات
وبالنسبه للملوخيه الخضره نفسها بس باللحم الاخضر وبالدجاج والبقر والغنم
اخر حاجه بعد ما اطيب كيف اليابسه كيف الخضره
في طاجين حمس في زيت شوي توم مهروس وعليه بهارات
وحطيهم علي الملوخيه وطفي
وصحه وعافيه