رمضان كريم
كل سنه و أنتم طيبين و يعوده عليكم بالخير و الصحه و السعاده
عزيزاتى أود أن أشكر الغاليه برنسيس لك على موضوعها الرائع و المفيد لعمل ملف للماشروم
جزاكى الله خيرا حبيبتى و فى ميزان حسناتك
الماشروم او الفطر له قيمه غذائيه عاليه و مهم للنباتين ايضا
و أقدم مشاركتى البسيطه و هى مكرونه بالماشروم و الفراخ
يمكن تقديمها بطرق عديده و متنوعه و بأضافات مختلفه فهى رائعه فى جميع الاضافات
المقادير
مكرونه اسباجتى مسلوقه ( ممكن اى شكل مكرونه تفضليه )
صدور فراخ مخليه ومقطعه شرائح
ماشروم ( أستخدمت المعلب بعد شطفه من المواد الحافظه )
ثوم
بصله صغيره ناعمه
فلفل اخضر مربعات صغيره ( ممكن بقدونس او اى خضره )
جبنه رومى و موزريلا ( ممكن جبن كيرى او مثلثات )
كريمه لبانى
لبن
قليل من الزيت
ملح / فلفل / جنزبيل
الطريقه
نضع شرائح الفراخ على الزيت و تترك حتى تنزل مائها و تشربه
نضع الثوم و نقلب حتى تتحمر قليلا مع الاستمرار بالتقليب و نضع الماشروم
نضيف الفلفل و الجنزبيل و نستمر فى التقليب ثم نضيف البصل
نستمر فى التقليب حتى تدبل البصله و تنضج الفراخ
نضيف الفلفل الاخضر و نقلب ( نلاحظ لم أضع ملح )
نضيف قليل من اللبن او المرقه و يترك يغلى حتى تنضج الفراخ
نضع الجبن و نقلب حتى يسيح و نضبط الطعم ثم نضيف الكريمه
و طبعا المكرونه مسلوقه و مصفاه و مخلوطه بملعقد زيت
نضع المكرونه فى طبق التقديم او صنيه الفرن و نصب عليها الماشروم
و تقدما فورا و هى ساخنه
أتمنى مشاركتى البسيطه تكون عجبتكم و عجبت حبيبتى برنسيس لك
لالالالالا تنسوا الدعاء لأولادى
الروابط المفضلة