السلام عليكم ورحمة الله وبركاته ،،
أخواتي أتمنى منكم نصحي والإشارة علي .. ؛ فأنا عندي عزيمة الجمعة القادمة لأربع عوائل 10 كبار و 8 أطفال ومعنا يصبحو 12 شخص ، وصراحة كتير تلبكت لما شفت زوجي بيعزم بالعالم ، وكنا قد قررنا نعزم عيلتتين تلاتة بس ، لكن هو ما شاء الله راح عزم 5 عوائل وعيلة اعتذرت عن القدوم ، المهم ...... العزيمة رح تصير يوم الجمعة وأنا حطيت كم صنف وحبيت أسألكم هل كفاية هذه الأصفان أم أزود؟؟؟
وهذه قائمتي :
1-لازانيا الدجاج
2-دجاجتين مشويات ومحشيات وجنبهم أرز (أو ممكن أعمل برياني دجاج مو أحسن ولا لأ؟ )
3-يبرق ومحشي بانجان
4-كبة مقلية
5-أوزي
المقبلات:
1-برك جبنة
2-سمبوسك خضار
3-كبة نية
4-كرات التونة وبطاطا مقلية
5-شوربة خضار
6-سلطة
ولسه محتارة أعمل فتة حمص ولا ما في داعي ؟؟
أنا مو حابة أكتر زيادة ولا أقلل
شو رأيكم أعمل برياني بدل الدجاج المشوي؟؟ زوجي هيك رأيه قال بيطلع برياني الدجاج مع الأرز فيه بركة اكتر من دجاج مشوي كامل ..
هل أطباقي الرئيسية كافية لهذا العدد أم أزيد طبق آخر كالملوخية مثلا ؟؟
أشيروا علي فأنا بحاجة لمشورتكن ونصيحتكن ؛ فهذه أول مرة لي أعمل عزيمة لهكذا عدد كبير (يمكن كبير بالنسبة لي فقط )
وشكرا لكم غالياتي لسماعي
الروابط المفضلة