يا كل الموجودين الان ارجوكم استفتاء سريع جدا ردوا علي
السلام عليكم يا اهل المنتدى حصل فيا فصل دلوقتى ومحتاجه مشورتكم
كان عندى عزومه انهارده وبعد ما جهزت كل شىء الراجل اعتذر هاقولكم انا عامله ايه وانتوا قولولى ازاى احفظه ف الفريز لان عندى عزومه تانيه يوم الخميس ان شاء الله وارجوكم متبخلوش عليا بالرد
عملت افخاد فراخ وتبلتاها وحطيت عليها البيض والشوفان بدل البقسماط دى ممكن احفظها زى ما هي ف علبه واحطها ف الفريز ومش هايغير طعمها؟
وعملت كمان تشيكن رول وده مشكلته بقه ان مستوى بس برده حطيته بعد ما اتشوح ف شويه زيت ف بيض وشوفان ده بقه اعمل فيه ايه علشان احافظ ع طعمه؟
وسمبوسه ودى سمعت انى احطها ف اى طبق والفها بنيلون واسيبها ف الفريز ومش هايحصلها حاجه
وكمان نقعت رز كتير وهو رز بسمتى يا ترى فيه حل انى معملوش كله؟
وسلقت فاصوليا بيضه ممكن اخد منها شويه مسلوقين واحطهم ف كيس واشيلهم ف الفريز ولا طعهما هايتغير؟
معلش طولت عليكم بس ارجوكم ردوا عليا والى عنده اى معلومه يقولى وياريت تردوا دلوقتى علشان اروح اخزن الاكل الى ينفع يتخزن
رد مع الاستدلال
[
كتبت بواسطة noorelhoda
الروابط المفضلة