الوصفه اكيد بعرفوها كتير هي عبارة عن فاصوليا بيضاء يابسه طبعا
لكن حجمها كبير أضعاف 3 مرات حجم حبة الفاصوليا العاديه
طعمها الذ بكتير لانها كبيره اممممم
وتحضيرها سهل وما بختلف عن تحضير يخنة الفاصوليا العاديه
انا بعملها يخنه تقيله وتتاكل بخبز اطيب امممممممممم
زيت قليل ودسم قليل يعني للرجيم كتير كويسه
المقادير
فاصوليا عيشه غانم منقوعه بالماء والافضل لمدة 24 ساعه او حتى يومين وليلتين بكون احسن
لحمه مفرومه خاليه من الدهن
بصل مفروم ناعم جدا
بندورة حمرا ومبروشه
القليل من صلصة البندورة
2 سن توم ناعمين
ملعقتين زيت نباتي
ملح وفلفل اسود وبهارات مشكله
الطريقه
بعد ما نكون نقعنا الفاصوليا وكبر حجمها نقوم بسلقها حتى تستوى مدة الاستواء تعتمد على نوع الفاصوليا اكيد
في وعاء نظيف نضع البصل ونقلبه حتى يصبح لونه شفاف ثم نضيف اللحم المفروم ونقلب جيدا
هنا نقوم بتتبيل الللحمه بالفلفل والملح والبهارات وتقلب حتى ينشف مياها
ثم نضع البندورة المبروشه ونقلبها جيدا ثم نضيف الصلصه والفاصوليه من القليل من ماء سلقها
لانه بدنا أياها تكون جامده مو يخنه رخوة في قلايه نقوم بتحمير التوم حتى يشقر ونضيفه للفاصوليا ونتركهم ربع ساعه حتى يطبخوا مع سوى
ويقدم مع الخبز وبالف عافيه
طبعا لزوم الرجيم انا اكلتها مع خبز اسمر كامل وقرن فلفل حراق امممممممممممم
ان شاء الله تعجبكم
ولا تنسوني واهل بيت يمن دعواتكم
الروابط المفضلة