بسم الله الرحمن الرحيم
السلام عليكم ورحمة الله وبركاته
الى تحية الماسية ........مقلية بالسمنة البلدية
اليوم عملتلكو المفتول شفت الاخت ريم الشرق عاملته وتشجعت اسوية
هاي رابط ريمو
وهاي طريقتي
بسم الله نبدأ
نقلي البصل
وبعدين ننزل فوقها الجاج المقطع عشان يتقلى شوية قبل السلق
دور مطيبات سلق الجاج
بنضيف مية سخنة عشان تسرع عملية السلق
وشوية عصير بندورة
وحبيت اضيف كمان شوية بندورة مبروشة شي حبة تقريبا بس
ونترك الجاج يستوي..................انا حبيت استوي الجاج بمرقة البندور قلت بتطلع الطعمة مركزة اكتر
دور الحمص غسلته منيح من مية العلب بلاش يكون فيه ملح زيادة ولا مواد حافظة
وضفته على باقي الطبخة
هلاء دور الكسكسون.............انا عندي الناشف وصراحة بعرفش اعمل النوع الفريش
كاسة كسكسون وحدة بدها كاسة مية ليستوي منيح وممكن اكتر
بنقلي شوية مع الزيت وبنضيفله الملح والمية او المرقة زي ما تحبي
بس اكيد بالمرقة ازكى
ونتركه على الهدوء لحتى يستوي وتتفتح حباته وشوفو كيف صار عامل زي الثقوب بيناته هذا دليل انه استوى
وبس هلاء دور السكب
على فكرة هي عجبته وما عجبته لزوزي
بس انا عجبتني على الاكييييييييييييييييييييييييد
وريته صحة وهنا على قلوبكووووووووووووووو
تحياتي واحتراماتي
الماسة
ام سهام واسيل
الروابط المفضلة