السلام عليكم ورحمة الله وبركاته
كيفكم صبايا الكم وحشه كبييييييييييييييييره من زمان عن تنزيل مواضيع بجد انا مقصره معاكم ولهيك جيتلكم طريقه الكبسه بالتفصيل الممل
عملت الكبسه باللحمه طبعا ممكن تنعمل بالدجاج بس انا حبيتها باللحمه اكتر
وهلا بنحضر مرقه اللحمه للكبسه وهيا عباره عن ماء ولحمه طبعا بعد غسل اللحمه وتوضع على النار لحد ما تغلي ونرفع الريم من فوقها وبعدين بنضع بصله وحبتين بندوره مقطعه أرباع وملعقه كبيره بهار كبسه حب (هيل , قرفه , زنجبيل , قرنفل , كزبره , كمون , خولنجان , ورق غار , توم مجفف , بصل مجفف , 5 حبات لومي ) وظبعا الملح يوضع لمن تقرب اللحمه من السوا وهيك جهزنا مرقه اللحمه
هلا نبداء نجهز الكبسه وبدنا
5 حبات بصل - حبتين بندوره - فلفل أخضر حراق
6 حبات جزر
ملعقه كبيره بهار كبسه مطحونه وندق في المدقه قليل من جوزة الطيب ومستكه ومحلب وهاي صوره البهار الحب اللي حطيتو بالمرقه وجوز الطيب والمحلب والمستكه
وهاي البهار المطحون اللي حطيتو في الكبسه وطبعا جوز الطيب والمحلب والمستكه مع الخطوه التانيه ما بنحطهم مع المرقه
لوز وزبيب للزينه
بشر برتقاله وبشر ليمونه وملعقه كبيييره صلصه
بنقطع البصل شرايح والبندوره مكعبات ونبشر الجزر
نحضر 5 كوب رز كبسه ( الحبه الطويله الصفره ) وهاي مقدار الكوب
بنغسل الرز ونخلطو مع زبيب ني بمقدار كبشه يد
- بنقلب البصل والفلفل الأخضر (واللي بحب الشطه كتير مولعه
يشق الفلفل )في الزيت او السمنه على النار ليدبل البصل ويصير اصفر متل هيك
- وبعدين بنحط الجزر ويقلب ليدبل متل هيك
- وبعدين بشر البرتقاله وبشر الليمونة ويقلب دقيقتين
- وبعدين البندوره المكعبات ويقلب شوي
- وبعدين بهار الكبسه المطحون و دقه (جوز الطيب والمحلب والمستكه) ومكعب ماجي ويقلب شوي
- وبعدين الصلصه ويقلب شوي
- وبعدين الرز وبكون صفينا مرقه اللحمه وبحط اللومي على الرز
- وبعدين المرقه طبعا بعد ما صفناها من البهار الحب وممكن تحطوا البهار الحب بشاشيه صغيره اسهل في شيلها ( كل كوب رز كبسه بدو كوب ونصف مرقه )
-ونتركها على نار هادئه لين ما تستوي واهم خطوه نكمر الرز يعني بعد ما نطفي عليه بنغطي القدر او الطنجره بي بشكير عشر دقايق لتتفتح حبات الرز
وندير الرز بصنيه وعليه قطع اللحمه والمكسرات المقليه ويقدم مع الزبادي والسلطه الخضره او صلصه الكبسه وهيا عباره عن ( بندوره حسب الكميه اللي بدكم اياها وسن تومه وبصله وفلفل حراء وشوي بقدونس ولمونه وملح كلهم ينضربوا بالخلاط الكهربائي وميزت هاي الصلصه انها بتكون
شطه ) بس انا ما عملتها وقتها المره الجاي بعملها وبصورلكم اياها
وتفضلوا كبسه باللحمه
وهاي أحلى طبق لعيونكم
الروابط المفضلة