كل عام وأنت بخير بمناسبة المولد النبوى الشريف
النهارة حبيت أشاركم وصفات غدانا اللى أنا بحبها
واللى تعجبه يدعى لى بالزوج الصالح
بسم الله نبتدى
الأطباق ( روز بيف، مكرونة بالباشميل، بطاطس جراتان، سلطة حمص )
وكان معاهم سلطة خضراء وخبز فينو
ودى صورة طبق للى هيدعى ههههههه
واللى مش هيدعى كمان ما يزعلش ياخد الوصفات
روز بيف مفيش أسهل من طريقتها
عرق بيانكو أغرس به فصوص ثوم وأتبله بلمح وفلفل وقرفة
وأضعه فى صينة للفرن بها طرنشات بصل وجزر وقليل من الماء
ويدخل الفرن ساعة ونصف
وبالهنا
اظن مفيش أسهل من كده بيتحضر فى 10 دقائق
مكرونة بالباشميل بالطريقة المعتادة
بطاطس جراتان وده الرابط بتاعى
سلطة حمص
1/2ك حمص مسلوق
2م ك طحينة
قليل من ماء ( يمكن إستعمال ماء سلق الحمص)
عصير 1/2 ليمونة أو معلقة خل
ملح وفلفل وشطة وكسبرة ناشفة
توضع كل المكونات فى الكبة أو الخلاط
وتقدم مع زيت الزيتون
بالهنا والعافية
الروابط المفضلة