صباح الجمال على عيونكن بنوتات لك
وحشتونى اوى وعلى طول بتوحشونى ....
ندخل فى الموضوع على طول علشان الموضوع حايطول شرحه .....
الكام يوم اللى فاتوا طلعت كام طلعة باشاميل وجه فى بالى أجمعهم كلهم فى موضوع واحد وأنزلهم مره واحده علشان الإستفادة المتكاملة ......
ويللا نبتدى بسم الله

أولا : الكوسه بالباشاميل على طريقتى :

غسلت الكوسه وقطعتها شرائح طوليه


وعصجت لحمة مفرومة بالبصل وحطيت عليها معلقة صلصه وشوية ميه صغننين اوى


وحمرت شرايح الكوسه فى الزيت وابتديت ارصها فى الصينية


وبعد ماخلصت اول طبقه من الكوسه فردت عليها اللحمه المفرومه


وبعدين رصيت تانى طبقة من الكوسه


وبعدين صبيت عليها الباشاميل اللى طبعا كلنا عارفين بيتعمل ازاى


وعلى الفرن ....... ويم يم .....

وندخل على الصينية التانيه
ثانيا : لازانيا بالفراخ والبسلة والجزر :

الأول حطيت شوية باشاميل فى الصينية


وبعد ماسلقت اللازانيا ابتديت ارص اول طبقه


وعملت خلطة عبارة عن فراخ مسلوقه وبسله وجزرمسلوقين ولخبطتهم بالباشاميل وابتديت افردها فوق اللازانيا


وبعدين طبقة تانيه لازانيا


وخلطة تانى


وهكذا لغاية الكمية ماتخلص ونخللى اخر طبقة لازانيا ونصب عليها الباشاميل ونرش جبنة رومى وموزاريللا على الوجه


وعلى الفرن بس انا ماصورتش الخطوة دى بس ممكن نعتبر ده الشكل النهائى

ثالثا : مكرونة بخليط الأجبان والفلفل الألوان :

الأول سلقت المكرونة وحطيتها فى الصينية

وقطعت فلفل ألوان أحمر وأصفر وأخضر مكعبات وحطيتهم على المكرونة

وبعدين زيتون اسود مفروم

وبعدين رومى مبشور وشيدر مبشور وموزاريللا وملعقتين جبنة كاسات وملعقة مايونيز

ولخبطت كله على بعضه كويس

وصبيت الباشاميل على الوجه

وهوب على الفرن برضه .... .. ومعلش برضه نسيت اصور الخطوة دى بس برضه نفس الصورة التقريبيه

رابعا : صينية الأرز بالباشاميل :

الأول طبخت الرز عادى جدا


وسلقت بسلة وجزر


وعصجت لحمة مفرومه


وعملت باشاميل عادى جدا


وحطيت شوية باشاميل فى الصينية


وبعدين فردت طبقه رز بس مش سميكة


وحطيت عليها اللحم المفروم


وبعدين البسلة والجزر


وطبقه كمان رز


وبعدين صبيت الباشاميل


وعلى الفرن وبرضه مافيش صورة ومش حاحط الصورة اللى باحطها كل مره بأه ..... .... تخيلوا ....
ويللا ألف هنا وشفا عليكن جميعا وكل سنه وانتن طيبات بمناسبة المولد النبوى الشريف
أراكن على خير.......

سلمت يداكِ غاليتي روووووووووعه أكلات بتشهي

ما شاء الله اكلات طيبه انا من المغرمين بالكوسا بشميل تسلمي

بسم الله ماشاءالله عليكى

وصفات اكثر من ررررررررررررائعة

تسلم الايادى الجميلة

والف هنا وعافية على قلوبكم يارب

كتبت بواسطة حنان(البحرين)

سلمت يداكِ غاليتي روووووووووعه أكلات بتشهي

تسلميلى انتى ياغاليه يارب .....

كتبت بواسطة رندوش

ما شاء الله اكلات طيبه انا من المغرمين بالكوسا بشميل تسلمي

تسلمى حبيبة قلبى والف هنا وشفا عليكى صينية الكوسه .....

كتبت بواسطة amal250

بسم الله ماشاءالله عليكى

وصفات اكثر من ررررررررررررائعة

تسلم الايادى الجميلة

والف هنا وعافية على قلوبكم يارب

اشكرك على مرورك الحلو وصباحك الحلو وردك الحلو ياجميله ..... والله يعافيكى .....