حبيباتي امبارح كان غدانا سمك وجمبري على كيف كيفكم......حبيت انزلكم طريقة صينية الجمبري....البسيطة والسهلة جدا والطعم فوق الراااااائع والملحقات كمان مصورهالكم عشان اللي لسه متغداش...يشبع من المنظر ههههههههه
نبدا مع الجمبري.,...
انا عملت حوالي 2 كيلو حجم متوسط او جامبو اللي عندك...
طريقة التنظيف:
لصينية الجمبري بالقشر:
تنزعي الراس بايدك بالراحة...ثم تقصي من الضهر من الرجل للراس وتنزعي الخيط الاسود الموجود...وتشطفيه وتغسليه بملح...ودقيق عشان ينضف كويس..نضفت جزؤ من رؤوس الجمبري عشان بنحب نمصمصها
للجمبري المقلي المقشر..انا خدت حوالي نص كيلو .تشيلي القشر والراس بيطلع بسهولة معاك...وبسكينة تفتحي من الضهر لازالة الخيط الاسود برضه...يغسل جيدا
التتبيله للنوعين.....
حوالي راس توم كبيرة مفروم او حسب الكمية اللي عندك
عصير لمونتين كبار
ملح حسب الرغبة- شطة-كاري-بهارات منوعة-كسبرة مطحونة حوالي نص ملعقة صغيرة....نخلط كله مع بعض
نتبلهم كويس ونتركهم في التتبيله لمدة ساعتين عالاقل
الجمبري المقلي نسيت اصور طريقته بس هي اعتقد معروفة...في الدقيق وعالزيت على طول
◄███▓▒░ صينية الجمبري ░▒▓███►
في صينية نرص حلقات بصل وطماطم وفلفل وعليهم معلقتين زيت زيتون...ونبهرهم ونملحهم خفيف
نرص الجمبري بالشكل ده
ونحطها عالنار من فوق او في الفرن مبتفرقش...ممكن تحتاجي تضيفي ربع كوب ماء...انا عملت الصينية عالبوتوجاز مش في الفرن...تغطي الصينية وعلى نار متوسطة تسيبيها ربع ساعة بالكتير لحد مينزل ميته وتنشف المياه شوية...ده شكلها بعد مااستوت.....كانت ريحتها راااااائعة
و عملنا سمك بلطي مقلي ومشوي بالردة...وسلطات طحينة وبابا غنوج وسلطة خضرة ومخللات وبطاطس مقلية و رز السمك المصري العادي...خدت شوية من الجمبري المقلي وحطيته فوق الرز
السمك المشوي...بنفتحة ونتبله من جوة بتتبيلة الجمبري اللي فاتت مع شرايح فلفل اخضر وبصل...نقلبه عالجنبين في الردة...وبعدين على صينية للشوي نحطه عالبوتوجاز...نكون مجهزين حوالي كوب مياة معصور عليه لمونة وملح وبهارات وشطة وتوم مفروم اول ماالسمك يستوي...نحطه في المياه دي...لحد ميطرى ونشيلها ونعمل كل السمك المشوي بالطريقة دي
ده السمك المقلي بيتبل وفي الدقيق ويتقلي...اغلبكم عارفينه
السلطات التي لاغنى عنها مع السمك
وبس يارب تكون الصينية عجبتكم وتعملوها.
دعوااااااتكم ليا يا حبايبي
الروابط المفضلة