*طبق متميز*مقلوبه اللحمه الضانى وصلت ياحلوين
صديقاتى العزيزات المره اللى فاتت عملت مقلوبه الفراخ والمره دى هعمل مقلوبه اللحمه الضانى ويارب تعجبكو
اولا المكونات لحم ضانى--- جزر --بطاطس- بصل -زهره -باذنجان جنزبيل -ثوم
البهارات ملح -فلفل-بهارات مشكله-قرفه-كركم -لومى مطحون-حبهان-قرنفل
اولا نبدا بسم الله
اللحمه انا بحب اعملها كباب حله بطريقتنا المصريه يعنى بالبصل والسمن والتوابل ونهدى النار عليها وكل شويه ازودها نصف كوب ماء لحد ماتستوى خالص وتكون بالشكل ده
ثانياالزهره نسلقها ونحمرها بالشكل ده ونتبلها بالملح بالتوابل
ثالثا البطاطس نقعها شرايح مدوره ونحمرها والبادنجان نقطعه ونحمره وبعدين نتبلهم كويس
رابعا الجزر نقطعه ونتبله بالشكل ده
نبدا الشغل الاساسى بقى نجيب الحله اللى عملنا فيها اللحم ويفضل تكون تيفال ثم نقوم برص الخضار بالشكل ده الجزر الاول
وبعدين نحط الزهره
ونحط البطاطس والباذنجان
وبعدين نحط الرز البسمتى حوالى كوبايتين بالشكل ده
واخيرا نحط المرقه وتكون فيها حبهان وقرنفل ونحط الكركم ليعطى اللون الاصفر ونضع قرفه وبهارات مشكله ونخلى المرق يغطى الرز كويس بالشكل ده ونسويه على نار عاليه لحد مايشرب المايه ونوطى عليه لحد مايستوى
وبعدين نقلبها فى طبق التقديم ونزوقها بالمكسرات والبقدونس بالشكل ده
ودى صوره تانيه يارب تعجبكو
رد مع الاستدلال
كتبت بواسطة أم أحمد_**
المحبــه 
[
الروابط المفضلة