ازيكم يا احلى اخوات في الله
انا قبل كدة كنت منزلة طريقة الحمام المحشي وسفرة سي فود والحمد لله لاقيت استحسان منكم جزاكم الله خيرا وجمعت دعوات جميلة ربنا يتقبل منا ومنكم
ولاني طماااااااااااااعة في دعوات اكتر قلت انزل لكم طريقة حاجة انا بحبها قوي وجوزي كمان ومن ساعة ما ضاقها من ايدي اللهم لك الحمد مش بيفكر حتى يجيبها من برة، وبيقوللي هيفتحلي بيها مطعم هههههههه
المهم من غير رغي كتير انا جربت طرق كتير للزانيا وشفت وصفات وقريت وصفات اكتر واخر ما توصلت اليه والذ طعم على طريقة الايطاليين الاصلية قلت اشارك فيه احلى اخوات في الله
المقاديراولا : صلصة البولنيز
ست شرايح لزانيا او 8 حسب الصينية والكمية اللي انت عاوزاها(مسلوقين)
لحمة مفرومة
بصلة كبيرة مفرومة
3 فصوص توم مفرومين
فلفلة رومي كبيرة مفرومة
عودين كرفس مفرومين
جزرة مبشورة
وعصير طماطم(طماطم مضروبة بالخلاط)
وصلصة طماطم
بهارات(ملح،فلفل اسود،اوريجانو او زعتر ناشف،ريحان ناشف،ورقة لورا،ويفضل وستشيرصوص)
الطريقة:
نحط اللحمة المفرومة في الحلة ويفض التيفال عشان مش هنضيفلها اي دسم وهنسيبها تنزل كل دسمها براحتها عشان دايت بس والله مافيش فرق ابدا في الطعم واخف، بعد كدة نضيف البصلة والتوم والفلفل والكرفس والجزر ونسيبهم اما يدبلو خاااااااااالص
بعد كدة نضيفلهم الطماطم وصلصة الطماطم والبهارات والملح ونسيبهم على نار هااااااااااااااااادية ساعة كدة تقريبا لحد اما المكونات تتجانس مع بعضها خااااااااااااالص بتبقى اطرى واطعم والمكونات فيها بتبقى مستوية كويس وجميلة مع ملاحظة انها ما تنشفش يعني يكون فيها صوص طماطم.
URL=http://www.up-00.com/]
[/url]
مقادير البشاميل
حليب خالي الدسم
دقيق ونشا
ملح وفلف اسود او ابيض
جبنة رومي مبشورة وجبنة بارميزان او واحدة منهم اللي موجود
ا
لطريقة
ندوب على البارد اللبن مع الدقيق والنشا (بصراحة ما اعرفش المقادير بالظبط انا باعمل بالبركة زي ما متعودة ولو حسيته خفيف بزود نشا وادوبها في بق لبن، ولو تقيل بزود لبن)
ونسيبه يغلي على النار لحد اما يتقل ونضيف الجبن
ونخليه مايل انه يبقى تقيل عشان يمسك اللزانيا في بعض وما ينزلش جواها وتتشربه وكانه مش موجود
بعد اما يبرد نضيف الملح والفلفل
طبعا ممكن نعمل البشاميل بالطريقة العادية اللي هيا ندوب زبدة على النار ونضيف دقيق لحد اما يشقر وبعدين اللبن ونقلب لحد اما نحصل على القوام المناسب
الاتنين جمال بس الاولى اخف مع اللزانيا لان كلها صوص ومش بتفرق في الطعم، اما التانية اطعم مع المكرونة بالبشاميل وبتفرق كتيييييييييير
طريقة رص الصينية
الاول ندهن الصينية كويس زبدة وفص توم مفروم (كنت قريت الطريقة دي من اخت هنا في المنتدى بس مش فاكرة مين ربنا يكرمها بتبقى لزيييييييييييزة قوي)
وبعدين نحط طبقة بشاميل، وبعدين طبقة لزانيا وبعدين صوص اللحمة المفرومة وممكن مشروم وجبنة موتزاريلا وبارميجان ورومي (اي نوع جبن المتوفر عندك) وبعدها طبقة بشاميل خفيفة عشان تلزق الطبقة اللي فوقيها وما تباقش كتيرة عشان ما تطلعش من الصينية وتبقى سايلة او صايصة
URL=http://www.up-00.com/]
[/url]
وهكذا لحد ما نخلص المقادير بشرط اخر طبقة تبقى لزانيا وفوقها بشاميل والجبن اللي عندك
[ودي من الجنب
وبعد كدة نحطها في افرن لحد اما الوش يحمر
والطبق دة لاول واحدة ترد
وبالهنا والشفا يا حبايبي
وطبعا اي استفسار انا في الخدمة
ولو عجبكم شغلي ياريت تدعوا لبناتي ولزوجي ولوالدي يارب العالمين ولكل المسلمين ان ربنا ينصرهم في كل لمكان ويعزهم اللهم استجب اللهم امين
الروابط المفضلة