حبيبتى ربنا يقومك بالف سلامة انتى والبيبى
بصى فى حاجات كتير اوى ممكن تعمليها وطبعا البنات ماشاء الله وفوا بصى انا عن نفسى كنت بعمل اية
انا كنت بجيب الفراخ الكمية اللى هستخدمها واغسلها واقطعها حسب ما انا بحتاج ولما بطلعها كنت طجبعا ببقى محتاجة شوربة فكنت بحطها بعد متطلع على طول على الماء المغلى
وكمان كنت بعصر طماطم وافرزها
وكنت بجيب كل انواع الخضار اللى هستخدمة وانظفة واغسلة واحطة فى الفريزر وكمان العصائر والفاكهة كل دة ان شاء الله تحتاجية
والاخت نور الهدى عملت طريقة كويسة لتفريز البفتيك
واعمليها مع الفراخ البانية
واكدى ان عندك كل التوابل اللى بتحتاجيها والبصل والبطاطس ممكن تقطعيها وتحطيها فى ماء مغلى مع فنجان خل وتسبيها شوية وتطلعيها تصفيها كويس وتحطيها بالفريزر لما تطلعيها هتستوى بسرعة وتقرمش طبعا اول ما تتطلعيها على زيت غزير وساخن جدا
ممكن لو بتطبخى خضار اطبخية وحطيلة الطماطم ويتطبخ عادى وقسمية فى اكياس الثلاجة او الاطباق او علب تغلق جيدا
ممكن كمان تتبلى فراخ بعد غسلها لو هتعمليها صنية سريعة اول ما تطلع مع ارز
ممكن كمان تسوى الارز كمية وتحطية بالفريزر واول ما تتطلعية حطية على النار انا كنت بعمل كدة
ولو عايزة تعمل محشى اى نوع محشى اعملية وسوية واول ما يبرد حطية بالفريزر
او ممكن تحطية نى واول ما يتطلع تحطيلة شربة ساخنة وتولعى النار علية على طول
زاى ما اخت قالت المكرونة كنت بعملها واوزعها على اطباق فويل واول ما تطلع احطها فى الفرن على طول وبتبقى كانك لسة عاملها حالا
بس نصيحة متحطيش للبشاميل بيض الا لما تطلع او بلاش خالص بتبقى تحفة
وكمان كنت بفرم ثوم وافرزة وكمان فى ناس مش انا بتعمل اية بتجيب البصل وتقطعة صغير للطبيخ وتحطة وتطلعة من الفريزر على النار على طول دية برضوا فكرة
اسفة للاطالة بس انا عن نفسى كنت بعمل كدة ودية من تجربتى الشخصية وانا حاضرة لاى سؤال وربنا يقومك بالسلامة
الروابط المفضلة