السلام عليكم
النهارده ان شاء الله حقولكم علي طريقتي في عمل البرياني اللي بقي ادمان ودايما جوزي يطلبه مني وبيقولي انه احسن من المطاعم والله مش بمدح نفسي بس بجد انا بموت فيه ولما نزلت مصر اجازه عملته لاهلي وعجبهم اوي المهم ندخل علي:
المقادير
دجاجه مقطعه 8 قطع بدون جلد
2بصله متوسطه مقطعه جوانح
3فص توم مهروس ناعم
1حبه طماطم صغيره مقطعه مكعبات
1م زبادي
زبيب منقوع في ماء
بهارات صحيحه(قرفه+قرنفل+لوري+فلفل اسود حب+شمر+هيل اخضر+هيل اسود+حب حلو)
بهارات مطحونه(نفس البهارات الصحيحه+كمون+زعتر)
رز بسمتي مغسول ومنقوع
حبه بطاطس مقطعه مكعبات ص ومقليه
الطريقه *اولا نغسل الدجاج وننقعه في(خلطة البهارات المطحونه+لون الزعفران+ملح )ونتركها ساعه في التلاجه
*نسلق الرز البسمتي في ماء مع البهارات الصحيحه(في شاشه) وملح وم زيت
ويستوي نصف سوا ونصفيه في مصفاه
*نحضر الحله ونحط م سمنه وم زبده او اكتر ونضيف البصل بس يدبل ثم نضيف قطع الدجاج ونهدي النار ونغطي الحله وكل شويه نقلب الدجاج حتي يقترب من السواء ويشرب ماءه نضيف التوم ونقلب ثم الزبادي والطماطم ونزود شويه بهارات ونتركهم شويه لمل يستوي الدجاج كويس
*نضيف الزبيب علي الرز ونقلبهم ونحطه فوق الدجاج وندوب م لون الزعفران في 2م مايه ونرشه علي سطح الرز ونعمل علامهX
*نهدي النارونضيف م سمنه بلدي او زبده نوزعها علي الرز
*في طاسه نحمر بصله صغيره جوانح ومعاها شوية زبيب ورشة قرفه ونضيف البطاطس ونتركهم ع جنب للتزيين
*عند التقديم نقلب الدجاج بالبصل مع الرز ونحطهم في طبق واسع وقطع الدجاج علي الوجه وبعد كده نوزع خلطه البطاطس علي الوجه وتزين باوراق الكزبره الخضرا
*انا بقدمه مع مرق الباميه والبطاطس ان شاء الله حقول طريقته قريبا
وبالهنا والشفااااااااا
ان شاء الله حيعجبكم اوي
الروابط المفضلة