أمس عملت تشكيلة محاشي
1. طبعا نقور الباذنجان والكوسا ونغسلهم وننقعهم في ماء وملح شوية.
2. قورت حبتين بطاطس بعد تقشيرهم وحبتين فلفل أخضر حلو وكام بصلة.
3. قلبت اللحمة بمسحة زيت على النار لغاية ما تغير لونها بعدين ضفتها للرز المنقوع وقطعت عليه كام حبة بندورة وشوية البصل المبشور اللي طلع من تقوير البصل وبهرت الخلطة بملح وفلفل أسمر وبهار مشكل وخلطتهم سوا كويس.
4. طبعا حشيت المحاشي . وقسمتها قسمين حتى أطبخ كل قسم في يوم لحاله.
5. غليت ماء على النار وضفت له علبة صلصة طماطم وملحتها وبهدوء صبيتها على طنجرة المحاشي وعلى النار لحتى استوت.
6. المرقة بنحب ناكلها جنب المحشي وتفضلوا هاي سفرتنا.
صحتين وعافية
الروابط المفضلة