*طبق متميز***حمام محشي بالمرتــــــــــــــــــــــــــــــــــه...اتفضلو ا.....
اولا السلام عليكم....
.....انهارده جايبالكم من مطبخي الحمام المحشي ...بس الحشوه بتاعتنا أنهارده هي المرته وللي ميعرفهاش هي عباره عن البصل والزبيب ودي أحنا بنحشي بيها الحمام والبط ...
المقادير المستخدمه...
-حمام منظف ومعد للحشو+الكبد والقوانص
-2 بصله متوسطه
-2 م ك زبيب
-ملح وفلفل وكمون
-ورق لورا
-حبهان ومستكه
-2م زيت
-عصير 2 ليمونه
الطريقه:
-قطعي البصل ناعم وضيفي له الملح والبهارات والزبيب وأرفعيه علي النار مع التقليب المستمر حتي يذبل البصل ويصبح بهذا الشكل
-باستخدام الابره والخيط الابيض قومي بأغلاق فتحه الرقبه ..ومن داخل الحمامه استخدمي القوانص لسد فتحه الرقبه (أحتياطي علشان الحشوه متخرجش مع النضج)
-ضعي وعاء بحجم مناسب به كميه من الماء مضاف لها ورق اللورا علي النار
-أبدأي بملئ الحمام بالمرته وبعد الانتهاء من ضعي الكبد بعد الحشو بهذا الشكل حتي تضمني عدم خروج المرته أثناء النضج.ثم قومي بخياطه الفتحه(اللي مع الحمام دول سمانتين كانو هربانين في الفريزر)
-كرري الخطوات مع الكميه المستخدمه
-عند وصول الماء للغليان ضيفي الحمام وأغليه لمده 10دقائق الي ربع ساعه
-تخلصي من ماء الغليان ثم في وعاء أخر ضعي ملعقتين زيت مضاف لهم فص مستكه وفص حبهان ثم ضيفي الحمام مع كميه مياه مناسبه للنضج وأتركيه علي نار مرتفعه حتي يبدأ لون الماء في التغيير ..أجعلي النار هادئه واتركيه حتي ينضج
-بعد النضج انشلي الحمام من الشوربه
-في طبق صغير قومي بخلط عصير الليمون مع الملح والفلفل والكمون ثم قومي بتتبيل الحمام وتقليبه جيدا
-وده شكله بعد التحمير مع الشوربه والبطاطس ...معلش ملحقتش أقدمه كويس لأن الغدا يومها كان مستعجل....يارب يعجبكوا
رد مع الاستدلال
.....متحرمش من مرورك ولا من ردك يارب
كتبت بواسطة مس ميرو
الروابط المفضلة