هلا وسهلا فيكم وعيدكم مبارك يا اغلا عضوات بالدنيا
جايبة لكم طريقتنا في الاعياد ونبدأ بالتفاصيل
من بعد صلاة العيد ونتعايد كل واحد يجيب الي عنده من عيد سواء مسوي لحم حاشي الي هو لحم الجمل او تيس او خروف ويجتمعون في بيت كبير الحارة او في مسجد الحارة عشان يعم الاجر بجتماع العمال ويتعيدون ويعم الاجر ان شاء الله ونكون مجهزين القهوة والشاي والتمر والحلويات ونستقبل الزوار وبعدها نروح نعايد الاقاب وبعدها ننام للمغرب ههههههه
وان سويت خرررووووف يعني ذبيحه وراح اقدمها لكم مع الصور
نبداء بسم الله :-
الراس يكون مجزور حق الخروف طبعا او تحرقينه بدافور او ع الفرن المهم انه يروح الشعر اللي عليه وبعدها يغسل بلماء
الحار ثم ينظف بليف سلك ناعمة ثم يفتح فمه بالسكين ويصب الماء مع انفه وفمه حتى ينظف تماما والكرعان اي الكوارع نفس الطريقة
ثمو يقلع الاظفار بالسكين .
_ الكرش تغسل جيدا وثم يصب عليها ماء مغلي وتنظف جيدا حتى يزول الرائحه وكذلك المصران ثم تقطع الكرش لمربعات صغيرة وتلف مثل محشي العنب ثم تربط
على شكل حازوني بالمصران .
_ وثم تاخذين الكبد اذا بطبخينها على حيلها او تقطعينها شرايح مع الكلاوي والقلب وهذا شكل الكبد من بعد ماحمستها ببصل مفروم وملح وصلصة وبهارات وزيت..
_ وبعدين تاخذين الذبيحة بكبرها وتغسلين الذنبه جيدا والسيقان والجوف منها ثم تضعينها بقدر كبير على حسب كبر حجم الذبيحه
لأنه اذا كان ضيق ينثني الظهر ويكون الماء عادي يعني مو مغلي لأنه تنكمش
وثم تغسلين اليد مع الجنب وتحطينه بالقدر واذا ودك تحطين الكرش والكرعان والراس بكيفك بس انا اعزلها .
_ واكون محضرة كميةكبيرة من قبل طماطم مقطع صغييير وبصل صغييير مع قرون فلفل حار وصلصة والبهارات مثل كمون وكركم وفلفل وكزبرة ودارسين
وليمون اسود مو مطحون واربع مكعبات ماجي اذا تبغين احمسهم مع شوي زيت
واضيفها على الذبيحة .
ولازم يكون عندك (قز) يعني مو فرن القز الي ينطبخ فيه الذبايح وخاصة في المزارع والبر .
_ وتخلينها تطبخ وتقلبها من وقت لأخر بشنكار اللحم هو حديدي وطويل ومعكوف مع اخره وانا شخصيا اذا ضبط طعم المرقه
اخذ منها كميه اضيفها ع الراس والكرش والكرعان واطبخا بقدر لحالها وهذا شكل الذبيحة بالقدر ...
واكون محضرة الخضرة مثل باذنجان وقرع وبطاطس وكوسه واخذ من المرق واطبخا بقدر لحالها بس الخضرة تكون مقطعة بالطول مع مراعات تذوق الملح من وقت لأخر عشان
ما يكون خانس .
_ اذا عند حب لوبيا تطبخين منها مقدار للقرصان اللي راح تشربينها مع شوي ملح وما وتكون اللوبيا بهذا الشكل...
_ تنقعين زبيب كمية كبيرة عشان جزء منها فوق الرز والثاني رشة وتكوني مجهزة بصل كثيــــــــر مقطع صغيييـر وتضيفي زيت
ثم اذا احتمي اضيفي البصل وثم الزبيب وبعدها اضيفي شرايح فلفل رومي بارد وفلفل اخضر و احمر واصفر وفلفل حار واقلبه حتى يكون لونه نحاسي هكذا.
_ وثم قبل كب الرز تضيفين كمية مناسبة لحجم الصحن أو الصنيية اللي تبون تقلطون فيها اي تضيفون فيها وتغسلينه جيدا جدا
ثم تنقعينه .
وكل شوي طلي على الذبيحة واقلبيها انا نقطة ضعفي اخراجها من القدر لازم معي احد !!!!!!!!!!!!!!!!!!!
_تكونين مجهزهة قرع مقطع صغير وشوي بطاطس شكل مكعبات للقرصان وتاخذين شوي مرق من الذبيحة وتضيفينه وتطبخينه بقدر لحلها وهكذا شكله ...
_ وتكونين مجهزة طماطم مطحون مع بصل وصلصة وبهارات وشوي زيت وكركم وصفار الزعفران وتحمسينها ويكونجزء للقرص وجزء لدهن الذبيحة بعد ماتنضج وتحمر شكله كذا
زائد انك تكونين مجهزة بصل اخضر اوعادي
زائد فلفل رومي مقطع صغيييييييير وتضيفين عليه البهارات وتفركينه بيدك لحد مايتجانس وشوي بصل محموس بسمنه غنم .
_طريقة تشريب القرصان تجيبين حافظةوعلى القاعدة ترشين شوي مرق من اذبيحه تحت ثم شوي من السمن والبصل
الممزوج بالبهارات ثم اللوبيا ثم القرع والبطاطس المقطع لمكعبات
هكذا:::
ثم تضعين رقاءق القرصان وهكذا
طبقه قرص وطبقه فيها الطماطم
المحموس واللوبيا والبصل والسمن والقرع ورشه من المرق وتحركين السكين حتى يتغلغل المرق للقرصان واخر شئ
ترشين البصل بالسمن والبهارات كذا خلصنا من القرصان نسكر عليه وهكذا الشكل النهائي للقرصان_
واكون مجهزة خلطة لتلوين الذبيحة من بصل محمر مع الزيت وطماطم وكركم وشوي زعفران وبهارات وبعد ماتخرجين الذبيحة
من القدر ضعيها على صحن الفرن السفلي واذا بردت دلكيها بخلطة الطماطم مع الزيت كلها حتى الراس والكرعان وحمريها حتى تشقر.
هذا شكل الذبيحة بعد ما دهنتها بالخلطة وقبل التحمير ..
_ اما الرز قبل وضعة صفي القدر اللي كان فيه الذبيحه بالصفاية ثم اضيفي الرز وعلى النار وتذوقي الملح حتى لايكون خانس
واذا شرب الرز المرق خففي النار حتي تصبح النار مثل حبات الخرز ثم رشي البصل والزبيب والبهارات فوق الأرز وخذي فلفل اخضر
حار وانصفيه نصفين 4 او 5 حبات حسب الرعبه ثم اغرسيه داخل الرز فهو يعطر الرز هكذا::
_وجاء وقت التجهيز تأخذين الرشة بالملعقة حقة الرز ( الملاس ) كل الحشوة اي الرشه وتضعينها جانبا ثم تضيفين الرز بالصحن
وترتبي مستواه ثم تكبين الرشة وتواسينها بسكين كبير حتى ينتشر بالصحن ثم تضيفين القرصان على الجوانب
ثم تخرجين الراس وتضعينه وطرف الصحن وتفتحين افمه ثم تجيبين الذبيحة وتضعينها بالوسط واخر الظهر فوق فم راس الخروف
واليدين والجنبين نضعهم على جانبين المفطحة اى الذبيحة ثم تضعين الخضار من الكوسة والباذنجان وغيرها على الجوانب ونضع
انصاف البض المسلوق حواليها والكرش والكبد المحمر ونقطع الخيار والطماطم واليمون على اشكال جماليه ونضيفها والبطاطس المقلي
ونرش الزبيب حلقات اليمون ونرش اليمون الأسو المطحون
وهذا شكلها النهائـــــــــــــي
وهذا وبالهنــــــــــــا والعافيه وان شاء الله تكون الوصفة وااااضحة يارب
الروابط المفضلة