مرحبا بالصبايا الحلوات من زمان عن تنزيل التطبيقات وهالمره جايبتلكم أكلتين كنت معزومه عند ام انوس وتشغلنا بأكلتين طبعا طبقي المفضل بيف ستريجنوف وطبق جديد اول مره نعملوا تشيكن لولي بوب اخدتها من منال العالم اللي بتيجي في ابو ظبي اكيد بتشوفوها
وبكفي كتره حكي ويلا نبلش
طبق بيف ستريجنوف
المقادير
كيلو ستيكات عجل مقطعه شرايح طويله وعريضه شوي متل الشاورما تقريبا
نص فنجان صوص صويا
ربع ملعقه صغيره كاري
ربع ملعقه صغيره فلفل اسمر
فنجان قهوه خل
راس تومه صغير
بصلتين مقطعين مكعبات
3 ماج حليب
علبه كريمه
2 علبه فطر
مكعب ماجي
طبعا ملح حسب الرغبه
ملعقتان كبار نشا
الطريقه
نتبل ستيكات العجل بي الصويا ةالفلفل الاسمر والكاري والتومه المدقوقه والخل لمده ساعه على الاقل طبعا كل ما زاد الوقت كان احسن
نقلب البصل على النار مع شوي زيت ليدبل وبعدين عليه الستيكات طبعل هتزل ماي نوطي النار ونسكر عليه وقبل ما تنشف الماي بنحط الحليب ومكعب الماجي والملح ونستنى ليغلي ونوطي النار ونغطي على القدر لين ما تستوي اللحمه وبعدين الكريما والنشا ةالفطر ونقلب لين ما تصير قوامها ثقيل شوي متل الصوص وانتبهوا ما تكون كتير صوص عشان عليها نشا ولمن تبرد بتجمد اكتر
وصحتين يا حلوات
الطبق الثاني : تشيكن لولي بوب
المقادير
24 قطعه جناح دجاج
2 م.ك زنجبيل بودرة
1 م.ك بهاررات دجاج
ربع كوب صلصه صويا
2 حبه كبيرة بياض بيض
1 م.ك ملح
1 م.ك اوريجانو (زعتر مجفف)
2م.ك سكر
ربع ملعقه صغيره فلفل اسمر
1 م.ص هيل ناعم
2 م.ك كاتشب
1 م.ك بابريكا
1م.ص شطه سائله ( بس انا ما حطيت )
1 كيس توست
2 حبه كبيره صفار بيض
نصف كوب نشا
الطريقه
نقطع اطراف التست ونفرمو بالمحضره لين ما يصير متل البقسماط
نقطع الاجنحه الى ثلاث قطع ونتخلص من الطرف الثالث وبسكين حاده الطرف نقطع الياف المفصل لنقدر نسحب اللحم خارج العظم وبصير عامل متل الكوره المتكومه
بنعمل التتبيله بخلط مكوناتها كلها ونضع جوانح الدجاج بيها لاطول فتره
بنغطي اجنحه الدجاج بطبقه من النشا وبعدين البيض وبعدين البقسماط وبعدين نقليها في زيت حامي مسبقا
وصحتين
كيف سنوء هيك النشاط ولا بلا خخخخخخخخخخخخخخخخخخخخخخ
الروابط المفضلة