رمضان كريم وينعاد علينا وعليكم بالخير والبركات يارب
[center]اولا بعتذر منكم لقلة تواجدي معكم في هذا الشهر الفضيل وبصراحه كنت حابه يكون الي مشاركات اكتر
بس الوقت ضيق كتير ومابساعدني اني انزل شيء مع العلم الجهاز كله وصفات وسفر من الشهر الفضيل
ان شاء الله اقدر اشاركم جميعا فيها
[center]هلأ نبدأ اكلتنا ولعيون سناء الغاليه رح انزلها بالتفصيل الممل حتى تتشجع وتعملها لانه نفسها فيها
بسم الله نبدأ
لحمه مفرومه ناعمه معصجه مع بصل وملح وفلفل اسود ورشه من جوزة الطيب والقرفه المطحونه
العجين عبارة عن كاسة ونصف طحين وماء من الصنبور حسب حاجة العجين وملح نعجنها متل عجينة الفطاير يعني مو سائله ولا جامده تطون طريه وما تلسق باليد
لبن رايب كيلوا مضروب بالخلاط مع كاستين ماء +ملح حسب الرغبة +2ملعقه نشاء كبيره+نصف ملعقة شاي ملح ليمون "ممكن تستغني عنها"بس انا بحبه شوي حامض اطيب كتير
لقدحة التومه او قلية التوم تحتاجي 3 سن توم مفروم ناعم +3ملاعق زيت زرة
بعد ما نترك العجينه ترتاح ربع ساعه طبعا هي من غير خميره نبدأ في تشكيلها الى قبعات وكل وحده الها طريقتها
في ناس برقوا العجين وبقطعوا بواسطة قطاعه دائرية الشكل او فوهة كاسه
انا شخصيا بستخدم طريقه اسهل واسرع وبتعطيني قبعات اصغر بالحجم واجمل
خذي قطعه من العجين وابرميها على شكل اسطوانه بسماكة الاصبع احضري سكين وقطعي العجينه
"للاسف الصورة هذي لم تكن واضحه ابدا فلم انزلها اعتذر"
قطع العجين تكون بهذا الحجم
بأطراف اصابعك افردي العجينه حتى تصبح هكذا
ضعي مقدار نصف ملعقه شاي داخلها او حسب حجم العجينه اذا كانت اصغر او اكبر
ثم اقفلي العجينه على شكل حبة القطايف "لم اصورها"
ثم امسكي طرفى القطعه على شطل قطايف واغلقيهم فوزق بعض
يعني حطي طرف فوق التاني واكبسي عليهم جامد حتى يصير شكلهم هيك
انهي باقي الكميه وصفيها في صدر ثو غطيها بفوطة حتى لا تنشف
وأبدئي بتحضير البن
ضعي اللبن بعد خلطه في المكسر مع باقي المواد الي ذكرتها الملح والنشا والماء وملح الليمون ضعيهم في حله على نار متوسطه
واستمري في تحريكهم بالمضرب اليدوي حتى لا يكتل النشا هكذا حتى يبدأ بالغليان واتركيه يغلي خمس دقائق مع التحريك المستمر
ثم نبدأ باسقاط قبعات الشيشبرك بهدوء وحبه حبه حتى لا تلتصق ببعض
انا هون تلقيت مساعده من ابني محمد في تحريك اللبن
بس تبدئي تضعي القبعات في اللبن اعلي النار على التومه حتى تشقر مع انتهائك من وضع العجين في اللبن "ضروري تنسقي الخطوات حتى ما تتلبكي "
وهون بعد ما حطيت التومه على اللبن والعجين ونتركها 5 دقائق على النار حتى ينضج العجين مع مراعاة التحريك مشان ما يلتصق بقعر الطنجرة
ثم يسكب في جاط التقديم
ويزين بالنعناع الجاف
وهذا صحن لحبيبة القلب سنوئه
اتمنى يكون الشرح واضح لكم
وان شاء الله تعجبكم وصفتي
ودعواتكم لاهل بيتي وبرجوع زوجي لنا بالسلامة
[/center][/center]
الروابط المفضلة