السلام عليكم ورحمة الله وبركاته
________________
ازيكم جميعا اتمنى ان تكونوا بخير ان شاء الله
معى اليوم دجاج محمر وتورلى بالفرن - ومعلش انى مقصرة شوية فى رمضان
فى تنزيل موضوعات اول باول ولكن والله هذا بسبب اننا بنكون معزومين معظم الوقت
خارج المنزل طبعا رمضان والعزايم - كل سنة وانتم طيبيبن
هدخل فى الموضوع - بسم الله الرحمن الرحيم
***دجاج محمر***
=========
المكونات
افخاد دجاج او صدور حسب ما تحبى طبعا -بس تكونى سلقاه نصف سلقة
التتبيل لبعد السلق( بهارات السبعة فى واحد)
صوص باربيكيو +ورشسترصوص+صوياصوص
فلفل اسود + ملح + ثوم بودرة + زعتر وريحان مجفف
سمنة + زيت
الطريقة
بعد ماتسلقى الدجاج بطريقتك المعتادة تجيبى بولة غويطة
وتحطى فيها السمنة + الزيت + كل الخلطة اللى سابق وزكرناها
وتخلطى كويس اوى هيديكى فى النهاية خلطة جميلة ريحتها رائعة
حطيها على كامل الدجاج وغطيها جيدا ودخليها فى الفرن تحت الشواية فقط
حتى يحمر وبيديكى فى النهاية لون رائع ورائحة شهية جدا جدا
وبالف هنا عليكم
************************************************** ******
تــــــــــــــــــــورلى الخضروات
**************
المكونات
تشكيلة خضروات زى ما انت عايزة
انا استخدمت بسلة+جزر+بطاطس+كوسة
بزنجان+مشروم+بصل
طماطم معصورة ومصفاه
معجون طماطم مركز(صلصة)
فلفل اسود + ملح+بهارات خفيفة
ورق غار
حساء( شوربة)
او ممكن ماء +مكعب ماجى
سمن + زيت
الطريقة
تقطع الخضروات جميعها مكعبات صغيرة
توضع فى طاجن بايركس او صينية حسب الموجود عندك
تغلى الطماطم غلوتين وتضيفى لها معجون الطماطم والسمن والزيت
تتبيلها بملح وفلفل اسود
تصبيها على الخضروات وتزوديها شوربة بس مش كتير
غطيها بورق فويل ودخليها الفرن ساعة الاربع بالورق
والربع ساعة الاخيرة شيلى الورقة وشغلى الشواية وخليها تتحمر شوية
وبالف هنا عليكم
كل عام وانتم بخير وسعادة ولاتنسونى من صالح الدعاء
تحياااااااااتى
الروابط المفضلة