يا حبيبات قلبى رمضان خلاص على الابواب اعادة الله علينا وعليكم بالخير واليمن والبركات ياريت كل واحد تقول لنا عن خطتها للتفريز لهذا الشهر لكى نتفاعل ونستيفد جميعاً ونتفرغ للعبادة فى هذا الشهر الفضيل ارجوكم تفاعلوا وكل واحدة تكتب متى تبدأ بالتفريز واى الانواع تفرزها خلونا نأخذ بركات هذا الشهر الفضيل وما نزعل الاسرة منا مع العلم انى موظفة والتفريز يفيدنى جداً فى رمضان.

اهلا يا ام مصطفى

كل سنه وانتى طيبه

بالنسبه لى هبتدى من اول شعبان ان شاء الله

انا مجمده قلقاس وان شاء االله هجمد باميه وجزر وملوخية

ولان مافيش بسله حاليا هشتريها جاهزة


كمان احتمال اجمد بطاطس بس لسه معرفش طريقه حفظها

ده غير البروتنيات طبعا

وربنا يتتم علينا شهره ويبلغنا اياه

والجميع والمسلمين بخير ان شاء الله

الله يجزاك خير

الفريزر بتاعى صغير
يادوب هحشى السمبومسة و اجمدها بسسسسسسسسسسس

اين التفاعل يا اخواتى نريد من كل واحد تقول لنا هتفرز إيه وكمان طريقتها فى تفريزة يلا يا بنات شدو حيلكم وعلى فكرة انا خلاص احضرت البامية وقمت بتفريزها وطريقتى اننى قمت بغسل البامية ونشرتها تنشف من الماء وبعدين ابتديت اقمعها او اشيل الجزء السفلى منها وبعدين احضرت حلة المرونه ووضعت بها ماء وتركته يغلى ووضعت البامية فى المصفاة وانزلتها للماء المغلو لمدة خمس دقائق ومن ثم اخرجتها ووضعتها تحت ماء بارد وثلج وبردت وعبتها بأكياس والحمد لله هذه طريقتى فى التفريز وبعد عام اخرجيها تجدى انها خضرة وطعمها لم يتغير يلا يا بنات خلونا نتفاعل وانا بدى اعرف طريقة تفريز البطاطس ونتبادل الخبرات

الى ( ام ياسين ) azmiralda000 معلش عايزة ارد على حضرتك بالنسبة لايماءاتك في كلمات اغنية شيرين على مصر ( توقيعك ) حاسة انك زعلانة من مصر صدقيني العيب مش في مصر العيب في معدومي الضمير اللى بيحقروا من شانها و بيخدوا منها و مش بيعطوها على فكرة انا مصرية و متغربةفي الدوحة ( قطر ) و مازالت مصر عندي ام الدنيا رغم مساؤي اللى عايشين فيها و مش محافظين عليها بس يكفي ان ربنا حافظها و ذكرها في كتابه اشكرك

كتبت بواسطة samah sherif

الى ( ام ياسين ) azmiralda000 معلش عايزة ارد على حضرتك بالنسبة لايماءاتك في كلمات اغنية شيرين على مصر ( توقيعك ) حاسة انك زعلانة من مصر صدقيني العيب مش في مصر العيب في معدومي الضمير اللى بيحقروا من شانها و بيخدوا منها و مش بيعطوها على فكرة انا مصرية و متغربةفي الدوحة ( قطر ) و مازالت مصر عندي ام الدنيا رغم مساؤي اللى عايشين فيها و مش محافظين عليها بس يكفي ان ربنا حافظها و ذكرها في كتابه اشكرك

بالعكس يا حبيبتى انا بعشق مصر ركزى شوية هتلاقينى ان اللى فيها ناسيين انها حلوة و اللى بيبعد عنها هو اللى بيقول ان ف الدنيا مافيش بعديها
انا كمان فى الامارات و املى ارجع مصر
حتى شوفى فى خانة الموقع انا كاتبة ايه
ربنا يرجعنا كلنا بالسلامة و يحفظ مصر يااااااااااااارب