اليوم .. كنا عازمين أهلي على الغذاء.. وكان مفاجأه .. لأني أول مرة بعمل المفتول .. وإحنا مفتولنا غير.. عبارة عن حمص وبصل و لحمة أو دجاج ..
بدي رأيكم وخصوصاً الأخوات المغربيات ..
المفتول أو الكسكس بالخضار واللحم ...
المقادير:
2 كيلو لحم سوري مقطع قطع كبيرة
1 حبة يقطين
2 حبة قرع
2 حبة كوسا
2 حبة جزر
1 علبة حمص حب
10 - 15 بصلة حجم صغير أو وسط
4 حبات بندورة طرية
1 حبة ملفوف حجم صغير
شوية زعفران + ملح + فلفل أسمر + بهارات مشكلة + قرفة + كمون + كراوية ناعمة + 2 مكعب ماجي
بهارات سلق ( ورق غار - هيل - فلفل أسود حب - قرنفل - عيدان قرفة )
زيت دوار الشمس
ربع أو نص قالب زبدة
مفتول أو كسكس (مالقيت غير حجم كبير)
4 فصوص ثوم مدقوق مع شوية كزبرة ناشفة
الطريقة:
نغسل جميع الخضار ونقطعهم مكعبات كبيرة وقطع كبيرة .. ونترك البصل بدون تقطيع ..
في قدر كبير نضع شوية زيت ونقلب اللحمة حتى تنشف ميتها وتبدأ بالإحمرار ثم نضيف الزعفران و جميع البهارات وبهارات السلق ونقلبهم جيداً ثم نضيف ماء مغلي لسلق اللحمة ونضيف مكعبا الماجي ونضعهم على النار حتى تستوي اللحمة (انا استعملت طنجرة الضغط عشان بستوي اللحم أسرع وبيكون أطرى وألذ) ..
في قدر آخر .. نضع شوية زيت ونحمر البصل أولاً وجميع الخضار حتى يحمرو قليلاً .. ثم نضيف مرق اللحم واللحم ونتركهم على النار حتى تستوي الخضار (أنا قلبتهم فترة حتى تستوي الخضار شوي) وهيك اليخنه جهزت ..
بالنسبة للمفتول أو الكسكس ..
نقعتو بماء مغلي لمدة ربع ساعة وبعدين في قدر حطيت زبدة وقلبت فيها الثوم والكزبرة وحطيت المفتول بعد ما تصفيته من الماء ..مجرد تقليب.. و كملت طهيه على البخار (عندي جهاز البخار تبع مولينكس) وتركتهم حتى استوى المفتول ..
في صينية كبيرة وضعت المفتول وقلبتو بشوية زبدة وحطيت اليخنة فوقه .. زي الصورة.. وقدمته .. حتى شوفو البخار كيف مبين بالصور ..
وهلأ بدي رأيكم ؟
الروابط المفضلة