بسم الله الرحمن الرحيم
هلا فيكم خواتي
الكبسه بتكون بالدجاج ان شاء الله تعالى
المقادير+ الطريقة:
أول حاجه خذي الدجاجه ونظفيها واقليها بس قلي للتحمير فقط يعني ما نبيه ينضج تمام
وفي نفس الوقت يكون الرز مغسول وجاهز انا استخدم للكبسه رز بسمتي لاني احسه احسن
وممكن اي رز مو مشكله
وهذا الدجاج بعد التحميرمثل ما واضح عندك
ب - قطعي بصله كبيره + فلفل رومي وشوحيهم مع ملعقتين سمن او زيت
3- نضيف بطاطا واحده وجزره وفلفل حار حسب
الرغبه واحد ونكمل التشويح
4- ثم نضيف مكعبين ماجي و الثوم المهروس مع الزنجبيل
وهذا الخليط للخطوات الاربع مثل ما ظاهر بالصوره
5- نضيف الدجاج اللي حمرناه في البدايه للخليط ونحرك قليلا بعدها
نضيف البهارات بتكون نوعين بهارات مشكله + فلفل ابيض مطحون+ ملح حسب الرغبه
والبهارات الصحيحه عباره عن (هيل وعود قرفه والحبه الحلوه وقرفه مطحونه )
هذه المقادير تقلي جيدا مع الخليط لمده دقيقتين
واخيرا ضيفي له حبه طماطم اذا كانت كبيره حركيه شوي
وهذا شكل الخليط
ثم تضيفين الرز تحركي شوي شوي بحذر عشان الرز ما يتكسر عندك
ضيفي الماءواعطيك طريقه مضبوطه للقياس لان البعض يخربط شوي
مثلا حطيتي 3 كاسات رز حطي مثلهن بالظبط وبنفس الكاسه ماءوبس
ونفس الشي لاي مقدار 7 او 5 او 9 اي شي انا سويت 3 كاسات وايضا اخر شي اضفت البقدونس
تخليه يغلي غلوه وحده على نار عاليه بعدها غطي عليه و حطيه على نار هادئه
ولما ينضج حطي على الوجه شويه سمن وطفي عليه وتكون الكبسه جهزت
وهذا كبستنا زينتها بالصنوبر والكاجو ممكن الاستغناء عنه
وهذا الصحن لأول وحده ترد غداهاعندي
وان شاء الله يعجبكم واسمحوني حبايبي على الأطاله
الروابط المفضلة