هالوصفة بهديها لسواد العيون لانها ساعدتني بالصور وبهديها كمان لبنات البيت الفلسطيني وبالذات لدلع وسناء لانن دايما بيسالوني عن هالاكلة جربوها كتير طيبة وسهلة
( عائلتي صغيرة بس انا وجوزي وبنتي الصغيرة سوسو ) لهيك عملت بس
نص كيلو كفتة
كيلو بندورة حمرا وطرية
2 ملعقة رب البندورة
1ملعقة دبس رمان
بصل 3 روس مقطعين جوانح
ملح- بهار- شوية زيت قلي للبصل وسلق الرز
رز مصري-شعيرية
الطريقة:
اول شي بنكور الكفتة وبنشوين بالفرن بدون زيت وبس يتحمروا بنحطن على جنب
بعدين بنقلي البصل وبس يدبل بنحط عصير الطماطم مع مي انتي هون اذا ما بتحبي الصلصة جامدة بتكتري مي واذا العكي بتحطي قدر كوبين مي تقريبا وبس يغلوا بتحطي دبس الرمان ورب البندورة
بعدين بتحطي كور الكفتة بعد ما يكونوا غلو منيح
وبتسلقي رز مع شعيرية وبسسسسسسسس
بالهنا والشفا
ان شاء الله تعجبكن هالاكلة انا بموووووووووووووت عليها لانها سهلة وطيبة كتير خصوصا مع فليفة خضرا ممممممممممممممممممممممممممممم
مع تحيات ام سوسو
الروابط المفضلة