شوفى يا ستى
أنا من عشاق عشاق المأكولات البحرية ولحد النهاردة عمرى ما اكلت سمك عند حد وعجبنى كلة عادى ولذلك كل اللى ياكل سمك عندى يتهبل والرجالة تفضل تلح على زوجاتهم ياخدو الطريقة والطريقة سهلة جداً بس عايزة نفس وفهم
بصى يا ستى
السمك البلطى هتقلية ولا تشوية تفرق عموماً انا بحبة مشوى
قاعده حشوة السمك المشوى تفرق عن المقلى
المقلى ثوم وفلفل أخضر بلاش يكون حامى قوى هاتية بارد وممكن تحطى شوية شطة بسيط الحاجة المهمه أكثرى الثوم والليمون والكمون حطى كمون على ما تقدرى وبحط جنزبيل قطعة صغيرة بتعمل ريحة جنان مفيش جنزبيل طازة حطة بودرة الجاف يعنى وتخلطى فى الكبة مش قوى يعنى ميكنش عامل زى المرهم لأ وطبعاً تملحى وتحطى فى قلب السمك وتقفلى السمك بخلة سنان وتقلى كالمعتاد
والخلطة دى بحطها على الفلية قبلها ولما أحمر أمسح الخلطة وأحمر.
أما المشوى فا زيدى على الخلطة السابقة بصلة وجزر مبشور وطماطم مكعبات وكام عود كرفس بسيط وتحشى وتحرصى تبقى شوية من الحشو قيمة نصف كوب وتحطى علية 2 كوب مياه فى صنية وتزودى لمون وخل وكمون وبهار تانى وملح طبعاً وقشر الليمون الناتخ تمسكى المقص وتقطعية عشوائى كدة الخلطة دى بعد ما الشمك يتشوى تحطية فيها وتقلبى وتنشلى على طول وطبعاً تقفلى السمك بخلة قبل الشوى وتحطى علية ردة وتشوى
الخلطة بتاعة الشوى دى بالظبط كدة بحطها على الجمبرى كتير كتير كده وكوب ماية ورشة زيت وعلى النار يطلع الجمبرى فيه شوية صوص طعمة جنان.
أكرر سر السمك فى الكمون والليمون ثم الثوم يعنى أقعدى قشرى ثوم من دلوقت ههههه
أحرصى السمك كلة يكون ساخن بناره كدة
اعملى جنبة سلطة طحية وسلطة خضراوء
وأعملى ارز الصيدية اللى بالبصل المعروف للسمك
وبالهنا والشفاء ولو حاجة مش واضحة أنا فى الخدمة
الروابط المفضلة