بسم الله الرحمن الرحيم
كيفكم اليوم ان شاء الله تكونوا بصحه وسلامه
أكلتي اليوم بهديها للغاليه ام ادم قبل مده حكيتلها عنها وطلبت مني انزلها لانه الظاهر من الوصف والشرح عجبتها بس هلأ على الطبيعه يارب تعجبها اكتر واكتر
اسمها بصراحه ما بعرف انا بسميها لحمة ع ورق اتعلمت الطبخه هاي من حماتي الله يطول بعمرها
نبدأ مع بعض خطوة خطوة وصدقوني اذا مكوناتها عندكم اعملوها وبسرعه لانها طيبه
المقادير:-
ورق عنب حسب الحاجه وحسب عدد افراد الاسره انا أستخدمت نصف كيلو ناقص شويه
كيلو لحمة كفته مع بصل وبقدونس طبعا
3 حبات بندوره حمرا
1ملعقه معجون بندوره
كوب ماء
مايعادل 6 ملاعق طعام زيت قلي
ملح فلفل اسود
وبهارات مشكله
الطريقه:
تبلت الكفته بالملح والفلفل الاسود والبهار وعجنتها كويس كتير كتير ,سلقت ورق العنب وبلشت بالتطبيق متل ما انتوا شايفين بالصوره التطبيق كتير سهل افردي الورقه وحطي مقدار ملعقه طعام كبيره من الكفته على الوجه الجشن من الورق وسكريها على بعض
صفطي في صينه الورق المحشي كفتة طبقات فوق بعض ,افرمي البندورة وضعيها على وجه الورق مع رشة ملح وفلفل اسود والزيت وكوب الماء مع معجون البندورة غطي الصينيه بالقصدير وحطيها بالفرن يكون محمي وعلى نار متوسطه اتركيها 40الى 50 دقيقه بس تستوي حمري الوجه قليلا من الاعلى
توكل مع الخبز العادي ولبن الرايب "الروب" وصحتين والف عافيه يارب
ان شاء الله تكون عجبتكم
دعواتكم الي ولاهل بيتي
الروابط المفضلة