اخواتى هذه وصفه للفته ولكن فته العدس طعمها لذيذ اوى ودسمه جدا يعنى اصحاب وصاحبات الوزن الكبير ممكن يكسروا الرجيم من حلاوتها بسم الله نبدا الوصفه
المقادير
كوارع من الجزار الوزن اللى تحبيه انا استخدمت فردتين كوارع مقطعين
كوب عدس احمر مغسول
نص كوب شعريه
كوب ارز مصرى
خبز محمص لزوم الفته انا بضعه فى الفرن الى ان يتحمص
حبه جزر
حبه طماطم
2حبه بصل
3فصوص ثوم
4 ملاعق زبده
هيل-فلفل اسمر-كمون-ملح-ورق غار-
الطريقه
بدايه نسلق الكوارع بعد تنظيفها جيدا بان نضع ماء وعندما يغلى نضيف الكوارع ونضيف الهيل وجميع البهارات وبصله مقطعه وحوالى تلت فصوص توم مفرومين حتى تجعل ريحه المرق تحفه وتذهب الزفره ونتركها لحين الاستواء ونطهى الارز نضع قطعه زبده فى طنجره ونضع كوب الارز المصرى ونقلب ونضيف ملح قليل ونزود بماء ونتركه ينضج
ممكن فى نفس الوقت ناخذ حوالى كوبين اوتلاته من مرق الكوارع فى حله صغيره ونضيف العدس والطماطم وبصله وحبه الجزر ولا تضعى ملح لان اكيد مرقه الكوارع بها ملح وبعد نضج العدس اضربيه فى الخلاط
وضعيه عالنار مره ثانيه واحضرى طاسه حمرى فيها الشعريه وبعدين ضيفى نصف كميه العدس فقط لاننا سنحتاج منه بعد ذلك واتركيها عالنار لحين استواء العدس بالشعريه
فى صينيه التقديم وزعى العيش فى قاع الصينيه وضعى عليه شوربه العدس بدون الشعريه اللى احتفظنا بيها واتركيه خمس دقايق حتى يتشرب العيش العدس وضعى على الوجه الارز الابيض المفلف ووزعيه فى الصينيه
وبعد ذلك ضيفى على الارز العدس اللى بالشعريه ووزعيه ايضه جيدا على وجه الصينيه وممكن تحمرى توم وتزينى بيه الصينيه وتضعى عليها قطع الكوارع اللى سوتيها وممكن تخلى الكوارع فى طبق كبير بشوربتها وبالف هنا وعافيه
يارب اكون افدتكم ومستنيه ردودكم
الروابط المفضلة