مرحبا يا صبايا عملتلكن هالأكلة التركية أكيد بتعرفوها بس حبيت قدمها على طريقتي، تفضلوا شوفوا:
المقادير:
نص كيلو لحمة شرحات واذا معها شوية لية معلش.
ملعقتين سمن واذا بلدي بيكون أطيب.
ملح، بهارات مشكلة، خل.
أربع حبات بندورة ، ملعقة دبس فليفلة و الحر حسب رغبتك.
خبز عربي للتقديم.
بصل مقطع جوانح للتقديم، بقدونس ناعم للتقديم.
ثوم و بصل ناعم للصلصة.
الطريقة:
من الليل منقطع اللحمة شرحات رفيعة و رقيقة و ننقعها بالبهارات و الخلز
تاني يوم نضع في طنجرة اللحمة و السمنة واذا في ليةو نقلب جيدا حتى تستوي اللحمة.
في وعاء تاني نقلب التوم و البصل المفروم ناعم بملعقتين زيت و نضيف إلهن البندورة المبشورةو ملعقة دبس الفليفلة و نقلب جيدا حتى يستووا منيح.
نقطع الخبز أربع أرباع ونضعوا في الفرن حتى يتحمر شوي.
في طبق التقديم نصف الخبزو فوقو اللحمة و فوقو الصلصة و نزين بالبقدونس.
نقدم جنبو البصل المخلوط مع السماق و في صحن تاني اللبن الزبادي.
ان شاالله يعجبكن .
هاي صور الأكلة و كمان حطيت شو عملت معها، نسيت صور السلطة مو مشكلة الكل بيعرف يعمل سلطة.
شو رأيكن
تابع الصور......

تااابع الصور...

يسلموووو
بس انعوجت رقبتي وانا بطالع الصور
هههههههه

حقك عليي، بس لسه ما تعودت على تنزيل الصور منيح سامحوني.
إلك عندي جلسة مساج على حسابي. شكرا لردك.

ماشاءالله اخت رغود كثير طيبة طريقتك تسلم يدك

لكن إذا بتحبي تقدميها على الطريقة التركية فهي كما يلي:
بالنسبة للخبز يستخدمو خبز خاص فيهم وقد ذكرته بكتابي
::الخبز التركي::


المقادير:
1 ملعقة طعام خميرة
1 ملعقة شاي سكر
1 كوب حليب دافئ
1/2 2 كوب دقيق
1 ملعقة شاي ملح
1 ملعقة طعام زيت نباتي
1 بيض + حبة البركة + سمسم
طريقة التحضير:
1. اضيفي في وعاء عميق كلاً من الحليب الدافئ والخميرة والسكر والزيت واخلطيهم ودعيهم 5 دقائق ثم
اضيفي الملح والدقيق واعجني المكونات حتى يتكون لديك عجيناً ليناً , امسحي العجين بالزيت وغطيه
بقطعة قماش مبللة واتركيه ساعة حتى يختمر.
2. قسمي العجين إلى قسمين وكوريهم ثم افردي كل عجينة بالضغط عليها براحة يدك حتى تصبح
بسمك 2 سم.
3. ادهني صينية الفرن بقليل من الزيت وضعي عليها العجين المفرود وادهنيه بالبيض المخفوق ورشي عليه
القليل من حبة البركة والسمسم وغطيه ودعيه يختمر لمدة 15 دقيقة.
4. ضعي الصينية في فرن سبق تسخينه بحرارة 200 درجة مئوية حتى ينتفخ الخبز ويحمر وقدميه ساخناً
مع الزبدة.

بعد ذلك يقطع الخبز إلى مربعات صغيرة ويرص في صحن التقديم ثم يوضع عليه اللحم بالصلصة ويوضع ملعقتين طعام من الزبادي بجانب الصحن , تسخن ملعقتين من الزبدة في مقلاة حتى يصبح لونها ذهبي ثم يسكب فوق الطبق
وهذه هي النتيجة


تقبلي تحياتي

كتبت بواسطة ragod

حقك عليي، بس لسه ما تعودت على تنزيل الصور منيح سامحوني.
إلك عندي جلسة مساج على حسابي. شكرا لردك.

معليش حبيبتي كنت بمزح معك الطبق طالع بيشهي
ورقبتي خلاص اتعدلت بعد التمرين هههههههه
بانتظار جديدك

يسلمووووووووووووووووو وصفه جديده وخفيفه
بس انا كمان بدي جلسة مساج ههههههههههه
معلش اختي كلنا كنا هيك بداية استخدامنا للكمبيوتر


اخت اسماء بارك الله فيكي

أخت أسماء:شكرا لردك و فعلا متل ما ذكرت هو بيتقدم مع الخبز التركي اللذيذ و يللي انا بحبو كتييير و ما بعرف
اعملو، الله يجزيك الخير اعطيتيني الطريقة مشان مرة تانية اعملو على أصولو.دايما خليكي معنا **
أخت خلود و اخت أم مالك:ألف صحة وهنا وسلامتكن، على هالحالة اذا اجو باقي الأخوات لازم احجز مركز المساج كلو. مومشكلة المهم سلامتكن**

الله يبارك فيك ع الطبق الطيب

روووووووووووووووعه