بسم الله الرحمن الرحيم
طبختنا اليوم يمكن تكون غريبه على بعضكم اكله قديمه ويمكن الناس هلأ بطلوا يعملوها
ورق اللسان بتعرفوه ؟؟ الي مابعرفه هو عباره عن ورقه خضراء بتطلع لوحدها في الارض وبكون ملمسه خشن وهي صورته
رح تسألوني شو بتعملي فيه ؟؟؟؟؟؟؟؟؟؟؟وانا رح اجاوبكم بنلف اهاااااااا بنلف متل ورق العنب والملفوف بس طبعا بحشوه مختلفه طولت عليكم بالحكي يلا نبلش اكلتنا اليوم
المقادير:
نصف كيلوا ورق لسان
كوبين ارز
2حبه بندوره مفرومه
3 اسنان توم مفروم
زيت زيتون
ملح
فلفل اسود
بهارات مشكله
نصف كيلو لحمه مدهنه "عصاعيص او قصه "الي بتحبها اهم شيء مدهنه
الطريقه:
بنشيل ساق الورقه وبنغسل الاوراق كويس لانها بتحمل التراب بين مساماتها بعدين بنسلق الورق في ماء مغلي لمدة 30 ثانيه فقط . بعد غسيل الارز ونقعه وتصفايته بنحط عليه البندوره والتوم وزيت الزيتون والملح والفلفل والبهار وبنخلطهم كويس
وبنلف الاوراق بهذه الطريقه على شرط انه يكون الملمس الناعم للورقه من الخارج
بنحط في قاع الطنجرة دوائر بطاطا وبندوره وفوقهم اللحمه بعد ما نغسلها ونملحها مع رشة فلفل اسود بنرتب الورق فوقهم وبنحطها على نار عاليه ربع ساعه بعدين على نار هاديه ساعه علشان اللحمه تستوي كويس
وبنقدمها مع الليمون الحامض
ان شاء الله يكون عجبكم وصحتين وعافيه
دعواتكم لي ولاولادي اختكم ام مالك
الروابط المفضلة