السلام عليكم يا صبايا
اليوم جايبتلكم الطبخة طازة ولسا اللهب عم يطلع منها
متل ما بتعرفوني صرتوا..تقريباً كل وصفاتي سهلة وسريعة ما بتاخد وقت ان شاء الله!
يخنة الدجاج بالبطاطا
مع الرز المفلفل
المقادير
دجاجة مقطعة
وأنا شلت الجلد قبل ما أسلقها...صحية أكتر للي عامللين ريجيم ويلي معاهم دهون أو شحوم بالدم و... الله يعافينا ويعافيكم بس أنا والله بعملها لأنها بشكل عام صحية أكتر يعني حتى الأولاد ما بحطلهم ياها..
بطاطا مقطعة كبير وملوحة بالمقلاية بشوية زيت بس حتى شوي يتغير لونها
ماء للسلق وبصلة كاملة غير مقطعة
قرفة، بهار مشكل،هيل، كركم،ملح وعصفر
عصير ليمون حامض
فص ثوم مدقوق
الطريقة
نضع الماء ونسلق الدجاج بعد التنظيف مع إضافة البهارات والبصلة..قبل ما تستوي ب 15 دقيقة نضع البطاطا..
آخر خمس دقائق نضيف عصير الحامض والثوم..
تؤكل مع الرز المفلفل بالشيرية وطبعاً ممكن بس رز ابيض ما بتحبي..
وأنا عملت بجنبها سلطة وحطيت جاط خضرة مشكلة..
أترككم مع الصور
هذا شكل العصفر
وهذا الدجاج والبهارات قبل ما حط البطاطا والليمون
وهون بعد ما حطيت البطاطا والليمون وشوفوا المرقة كيف صارت ممممممممممممممم..أطيب شوربة
وهي السفرة مع السلطة والرز بالشعيرية والخضرة...وما نسيت المرقة...
ما شاء الله ولا قوة إلا بالله
تابعوني
الروابط المفضلة