انا كتبت الموضوع ده فى صفحة اكل مصر بعتذر عن التكرار بس بصراحة انا بحسها طريقة مميزة ونفسى تجربوها وكمان ممكن ناس كتييييير مبتفتحش صفحة اكل مصرى يستفيدو منها
بصراحة هى مش طريقتى انا اتعلمتها من حماتى
وهى تحطى الرز وعليه التسبيكة و الملح و التوابل اللى تحبيها وبقدونس وشبت وبعدين تحطى الخلطة دى على النار وتزوديها مية قليل " شبه طريقة تسوية رز الحشو للحمام" وتسوى الرز نص سواء وبعد مايبرد
تاخديه وتحشى سواء البادنجان او الفلفل او الكرنب او الكوسة " بس الورق عنب " مش ينفع بالطريقة دى لانه بيحتاج سوا قوى...
وبعدين تحطيه فى صينية فرن وتزودى مية قليل تقريبا نص كمية المية اللى بتحطيها على المحشى بالطريقةالعادية
وتدخليه الفرن وتغطيه بورقه فويل حتى ينضح "حوالى تلت ساعة" وبعدين تشيلى الفويل وتفتحى الشواية عليه لحد ما يحمر وجه المحشى ...... طعمه تحفففففففففه وشكل الصينية على السفرة يفتح النفس
بس طبعا تصلح لكمية محشى قليلة يعنى لو هتعمليه طبق جانبى فى عزومة مثلا
رد مع الاستدلال
كتبت بواسطة @han
الروابط المفضلة