بسم الله الرحمن الرحيم
السلام عليكم ورحمه الله وبركاته
كيفكم ان شاء الله بخير
يمكن تستغربوا من برياني التونه لكن انا كذا احب اطبخ اي شي سهل
المهم النتيجه وحده والطعم زاكي
لان البنوته الي عندي بسم الله عليها
ما بتخلي احد يتفنن بالطبخ لذلك الجى لشي السهل المهم ما راح اطول
المقادير:
كأس ذره
علبتين تونه مفتته
كوسه حبه واحده
طماطم حبه واحده
بصله
فلفل اخضر حسب الرغبه ممكن الاستغناء عنه
بقدونس او كزبره
ارز بسمتي بتختاري الكميه الي تناسبك
( بهارات سمك +كركم +فلفل احمر +زعفران منقوع في الماء + ملح +ثوم +طماطم صلصله)
ريحان مجفف بيعطيه طعم حلو طبعا انا الريحان بجففه بنفسي مو شرط تحطيه
الطريقه:
تحمرين البصل بعدها ضيفي الطماطم والكوسه والفلفل وتغطي عليهم على نار هاديه لحد مايتغير شوي لون الفلفل اوتذبل الكوسه
بعدها ضيفي البهارات وصلصه الطماطم والثوم وتقلبيه ثم تضيفي التونه وتحريكه وتحطيه عشر دقائق على النار ثم ترفعيه وهذا شكله لمن يجهز
وطبعا تكوني مجهزه الرز المسلوق مع الذره وشويه زبده وهذا شكله
اخر خطوه تجيبي نص كميه الرز وتحطيه في القدر وترشيه بشويه زعفران وتحطي فوقه نص كميه التونه بهذا الشكل وبعدها الطبقه الثانيه بنفس الطريقه
بعدها تلفين القدر بالقصدير وتغطيه وتحطينه على نار هاديه لمده خمس دقائق
وتقدميه وبالهنا والشفا
وهذا طبق لمن نشبته حطيت معه مانجا مخلل يعني اتشار عندنا بالخليجي
واتمنى انه يعجبكم
هااااااااا ايش رايكم
الروابط المفضلة