القـــــــــــــــــدرة الغزاويــــــــــه
مرحبا يا صبايا .... انا عملت القدره على الطريقة الغزاويه لاني بحبها كتيير
وبتنعمل المفرووض بقدر فخار أو نحاس وبتنحط في أفران من هون اجت التسميه
بس انا اليوم عاملتها في حله عاديه ممكن تنحط في الفرن بس لازم تلفيها مزبوط بورق الالمنيوم
انا حطيتها على النار من فوق المره هاي
بدنا دجاجتين ..... قطعتهم ونظفتهم وبعدين سلقتهم
حطيت مع ماء السلق بهارات القدره وهي عباره عن
(بهارات مشكله مع كركم ان لم توجد البهارات الجاهز مع الملح)
أو بهار يسمى بهار سمنه
هاي البهارات بتعطي الطعم المميز للقدره
بعد السلق حمرتهم في الفرن
بهارات القدره
3 كوب ارز أمريكي أو مصري
نقعتهم في الماء الدافئ لمدة ربع ساعه
علبة حمص (ان لم يتوفر الطازج)
3 روس ثومه (الرأس الكبير) مو مقشر ولا مفروم (حب)
نفرط اسنان الثوم
في ناس بتقلي شوي الثومه مع الحمص قبل اضافة الرز
انا ما قليت ... لاني بحب ابعد عن الزيت قدر الامكان
حطيت الثوم مع الحمص وأضفت الرز مع مرقة الدجاج
(لكل كوب أرز كوب ونصف من مرقة الدجاج)
على نار هاديه (او في الفرن بردو النار ما تكون عاليه)
بعد ما تنضج الطبخه نحط على الوجه قطع الدجاج المحمره
وتجمل بالمكسرات
تؤكل باللبن أو السلطه الخضرا
الثومه مو مبينه منيح
كانت بين الرز
بس الطعم كان خيالي يا جماعه
بالهنا والشفا يا أحلى صبايا
الروابط المفضلة