المطفيـــــــــــــــــه ( زهره بلبن جميـــد )
طبعا مو عارفه كيف اكتبها بالتشكيل ههههههههههه هي ميم ساكنه الطاء مفتوحه الفاء فتحه مشدده
والياء مكسوره (الهي لا يكسر حدا ههههههه)
هلا الاكله هاي فلسطينية وبعملوها الخلايلة كتيييييييير
بتنعمل بلبن جميـــــــــد
انا بكسرو قبل بليلة وبنقعو بماء مغلي
عملت راس ونص جميد
عملتها على لحمة راس عصفور
سلقتها ( بدوووووووووووووون ملح لان اللبن بكون مالح )
بس البهار عادي
اللبن المكسور خلطتو مع شوية من الماء اللي كان فيه
لازم ينخلط كتييير منيح وبعدين صفيه من اي شي بضل قاسي
راسين زهرة قطعتهم قطع متوسطة وقليتهم
غليت مرقة اللحمة (مو كلها لان يمكن اللبن ما يحناج مرقة كتير )
زدت اللبن كلو فوقها وضليت احرك لغليت الطبخة
زدت شوي مرقة كمان وزدت شوية صغيرة ملح (يعني انتي لازم تدوقيها منشان تعرفي)
كمية اللبن اللي طلعت كانت كتيرة لاني عملت حجر ونص لبن جميد
فـ ثلجت الباقي لطبخة تانية
حطيت الزهرة في اللبن المغلي وخليتها على نار هادية ثلث ساعه
او لحد ما تنقطع معي الزهره بسهوله
وقدحتلها (التقلية) بثومة مطحونة
طبعا تؤكل مع الرز او بالخبز (تغميييييييييييس زي ما انا بفضل هههههه)
ممممممممممممم
الروابط المفضلة