تسلم الايادي حبيبتي

ماشاء الله تسلم الايادي بانتظار الوصفات

تسلم الايادي ام ايموني
عقبال ماتعملي لما تقومي بالسلامة
اطباق بتشهي خصوصا سمك سلطن ابراهيم اكتر سمك بحبه
ويعطيك الف عافية

يسلموووووووووووووو ما شاء الله الله يديم عليكم نعمه

أعتذر عن التأخير..

سمك سلطان إبراهيم والفسكر..

طبعا نغسل السمك ونظفه كتير منيح وأنا قطعت الفسكر نصفين لأنو حجمو كبير .. وتبلتو بهاي التتبيلة :

ملح - فلفل أسمر- بهار- كركم- كزبرة ناشفة - كزبرة خضرا مفرومة ناعمة- ليمون-ثوم مدقوق - شبت مفروم.

وندعك السمك فيه من الداخل والخارج .. ممكن تتركيه بالتتبيله من الليل..

للقلي..

نحمي زيت على النار ويكون غزير.. ونغمس السمك بالطحين من جميع الجهات .. ويقلي مع تقلب السمك حتى يحمر من كل الجهات .. نشيل السمك في مصفاي حتى يتصفى من الزيت ويوضع في جاط التقديم..



سمكة حرة مشوية ومحشية نوع شعري..

نفس التتبيلة السابقة.. وبالنسبة للحشوة هاي مقاديرها وطريقتها..

بقدونس - شبت - كزبرة - قرن فلفل حار- بصل - ثوم - ونضربهم بخلاط الفرم وبس بنفرمو كتير منيح نضيف عليهم ملح وبهار وشوية قرفة أو جوزة الطيب وليمون وزيت زيتون وكمون بس لازم الكمون يكون كتير يعني ملعقتين كبار مليانين وأخيراً نضيف بندورة مفرومة فرم ناعم ونخلطهم مع بعض نحشيهم بالسمكة .. وبالصينية نضع بطاطا وبندورة وبصل مقطعين حلقات ونرتبهم على شكل طبقات.. ونضع فوقهم السمكة ونغلفها بالسلفان ونضعها في الفرن لمدة ساعة وأكثر حتى تستوي منيح .. وبعدين نكشفها وراح نلاقي نازله ميتها ونتركها تحمر شوي من الأعلى ..





مطبق السمك الزبيدي..

كمان نفس التتبيلة والحشوة .. نجيب طنجرة ونقلي فيها السمك حتى يحمر من الجانبين ونشيلو على جنب وبنفس الطنجرة نقلب بنفس الزيت بصلة مفرومة ناعمة.. حتى تتحمر شوي ونضيف الأرز ( وأنا هون حطيت 3 كوب رز بسمتي و كوب واحد مصري وطبعا مغسولين ومنقوعين) ونقلبهم مع البصلة ونضيف مكعب ماجي وملح وبهارات وفلفل أسمر ونقلبهم ثم نضيف ماء ساخن حتى الغمرة ونتركهم على النار بس يبدأ الماء ينشف نضع السمك فوقهم ونغطيهم ونتركهم على النار لمدة ربع إلى نص ساعة..
وبتكوني قاليه مكسرات على جنب مع بصلة شرحات مقلية ومحمرة ..
في جاط التقديم تحطي الأرز أول والسمك من فوق ثم يزين بالصل والمكسرات.. وممكن يكون السمك تحت والأرز من فوق .. ويقدم..



وبالنسبة للفتوش .. وسلطة الطرطور موجوده الطرق بركن المقبلات والسلطات ..

ياعيني عالسمك
تسلم الايادي عالاطباق الرائعه

ام ايمونيييييييييي ماجاوبتيني على سؤالي يالغالية وانا اول وحدة رديت عسى خير ان شاء الله

عازمة عزومة بحرية يا أم أيموني و ما بتعزمينا ،
شو هالأطباق اللي بتشهي يا قمر ، ما شاء الله ، أكيد اللي عزمتيهم قالوا إنه هاي أطيب عزمة بحرية ، صح ؟

عزومة رائعة أختي ست بيت درجة اولى الله يحميكي ياقمر

مشاء الله حلو كثييييييييييييييييييييير