احم احم طبعا هذي اول مره اشارك فيها في هذا المنتدى وما كنت أتخيل يوم اني اكتب عن طريقة أكله لأني أول ماتزوجت ما كنت أعرف أقشر بيضه<<<<تحكي قصة حياتها..
المهم
هذي الطريقه عملتها مره وأنا مستعجله وعجبت زوجي مررررررررررره وليله كان أصحابه متعشين عندنا وعملتها
مع كم صنف...
وهي عباره عن
دجاج مقطع قطع متوسطه
بصل+فلفل رومي(مفرومين أو مقطعين شرايح رقيقه)
زيت للتشويح
ملعقة صلصه أو معجون طماطم
خضار(كوسه-بطاطس-جزر)<<عادة أقطعها مكعبات صغيره ولما عملت عشاء أصحابه قطعتها على شكل وردات
البهارات:
ملح حسب الرغبه
ملعقه(فلفل أسود-كمون-كزبره-ملح ليمون)<<<بيني وبينكم دقه جابتها لي ماما
وأخيرا سر الطبخه[توابل مشويات]
الطريقه
تحمسي أو تكشني البصل والفلفل الرومي بالزيت شويه وبعدين ترمي عليها الدجاج وتقلبي شويه وبعدين تخليه على نار هاديه وتغطيه
وتقطعي الخضار على مايقرب يستوي الدجاج
وبعد ربع ساعه ترمي الخضار على الدجاج وتحطي الملح والبهارات وماتنسي توابل المشويات
تقلبي شويه بعدين تغطيه وتتركيه ربع ساعه
بعدها تطفي النار
وتولعي الفرن من فوق وتحمري الدجاج شويه
وتقدميه وبالهناء والعافيه
وممكن ترشي على وجه الدجاج شوية جبنه مازوريلا
تراها سهله والشغله كلها بالتحضير والطبخ والتحمير تاخذ ساعه فقط
دجاج محمر بطعم الباربكيو
رد مع الاستدلال
الروابط المفضلة