كشرى مصرى له العجب (بالصور )
السلام عليكم ورحمه الله وبركاته
اليوم صورت لكم الكشرى المصرى او الكشرى ابو جبه(العدس الاسمر )
اولا علشان نبقى متفقين الجبه (العدس الاسمر وليس الاصفر )
المقادير تكفى 3 اشخاص
1كوب عدس بجبه (عدس اسمر )
2 كوب أرز مصرىاعملى معادله لو هتزودى علشان عائلتك هيبقى 4 كوب ارز و2 عدسصلصهسلطةبيض مسلوقبصل حسب الرغبهمكرونه صغيرة مسلوقه
الطريقه :
تنقى العدس جيدا ثم تضيفى عليه مياة وتضعيه على النار يستوى شويه بس مش كثير لانه هيكمل تسويه مع الارز
وبعد ما يخلص بيأخد حولى 7 الى 10 دقائق تخديه تغسليه بماء من الصنبور (الحنفيه )وتصفيه جيدا
فى الوقت ده تكونى نقيتى الارز جيدا وتغسليه حلو وتصفيه جيدا
تجيبى الوعاء الا هتطبخى فيه وتضعى معلقه سمن او زيت حسب الرغبه كأنك هتعملى ارز عادى وتضعى عليه لو الارز 2 كوب ضعى 2 كوب مياه يعنى بمعدل الميه
وتتركى المياة تغلى واول ما تغلى ضعى الارز المغسول
وطبعا ما تنسى الملح
وغطى عليه ولحد ماالمياه تنشف من عليه خففى النار تماما وضعى العدس على الارز واخلطيهم مع بعض جيدا
واتركيه يستوى زى الارز العادىبيكون كده
وتعملى معه مكرونه علشان تضعيه عليها اثناء الاكل
مع عمل شويه سلطه بلدى يعنى خيار وطماطم وجرجير وخيار وبصل وخس
وبيض مسلوق علشان البيض هيكون بروتين الاكله ده
وباذنجان رومى مقلى
الباذنجان والسلطه
الخلطه الميه ميه الا بتحلى الاكل الكشرى:
تجيبى ثوم اى كميه انتى بتحبى كثير او قليل وتدقيه او تضربه بالكبه اى شيئ المهم يبقى ناعم وتضعى الثوم فى برطمان وتضيفى عليه كمون وملح وشطه وخل حوالى فنجان صغير ونصف ليمونه وشويه مياه ضغيرة حوالى نصف فنجان صغير
واقفلى البرطمان ورجيه جيدا
والله على طعمه مع الكشرى
وبالنسبه للخلطه الا هنضيفها على الباذنجان الرومى المقلى :
ثوم حسب الرغبه ويكون ناعم وملح وشطه بسيطه او لا حسب الرغبه ومعلقتين خل وقطرتين ليمون وتضعى فيهم الباذنجان وتطلعيه تضعيه بالطبق
والف هنا وشفا
من اختكم سهر الليالى
رد مع الاستدلال
الروابط المفضلة