الله يحييكم
يااحلى طباخات
ابغى منكم الافكار الحلوه اللي مانستغني عنها
وهي انه مجموعه من الضيوف بيجوني وزيارتنا وزياراتهم تكون دوريه والمره الجايه عندي ومحتاره ماادري اش اسوي عشاء لاني بالعاده اسوي رز ودجاج ومليت.... وودي اغير واسوي عشاء متميز ولذيذ ومنوع ويكون االرز نوعه لذيذ وريحته تتشهي وكميته تكون وسط يعني دجاجتين بس,,,,,,, لاني يوم اعمل كميه كبيره بيطلع الرز سامج نكهته مش لذيذه ,,,,,فياليت اللي عندها فكره لعشاء متكامل ومنوع بالتزيين اكون ممتنه لها وبشده.......
وياحبذا بصور...
اللهم اسقهم من حوض نبيك الكريم وبشرهم بجنات عرضها السماوات والارض واجعل منزلتهم الفردوس الاعلى ...

يا هلا بك حبيبتي اليك هذا الرابط واختاري اي طبخه تحبينها اعمليها اما بالنسبه لمقاس الارز ثلاثة اكواب ارز بسمتي للدجاجتين كفايه http://www.lakii.com/vb/showthread.php?t=200964

اما بالنسبه للمقبلات فهي متنوعه اخترت لك هذه الروابط http://www.lakii.com/vb/showthread.p...DE%C8%E1%C7%CA

http://www.lakii.com/vb/showthread.p...DE%C8%E1%C7%CA

والحلى ادخلي على هذا الرابط واختاري ما يعجبك http://www.lakii.com/vb/forumdisplay.php?f=68

السلام عليكم

أهلين بالورده الشفافة

انا عندي طريقة عمل رز بالطريقة الباكستااااانية

روووووعه وبتاكلي يديكي كلها وراها ههههههههههههههههههه



مقادير اللحم

2 كيلو لحم
2 بصل كبير
7 حبات ثوم
بهارات مشكله كامله (هيل-قرفه-مسمار-فلفل أسود-ورق غار)
ملح


الطريقة:

في قدر ضغط .. حطي المقادير السابقة كلها وخليه يستوي لمده ساعه تقريبا

كتري المويه لحتى ما ينحرق .. والمرق بعدين بتحتاجيه

لازم يستوي كويس واللحمه تصير ناعمه



لعمل الرز:

4 كاسات رز بسمتي >> تسوي دعايه
2 بصل كبير
7 حبات ثوم مهروس جيدا
قطعة زنجبيل متوسطه مهروسه جيدا
بهارات مشكله كامله (هيل-قرفه-مسمار-فلفل أسود-ورق غار)
ملح
مرق اللحم اللي استوى قبل شوي


الطريقة:

اغسلي الرز وانقعيه اول ما تستوي المرق.
قطعي البصلتين وحطيه في قدر مناسب لكمية الرز واقليه مع الزيت.
خلي البصل يصير لونه مائل الى السواد >> لاااااااااااااازم بهادي الطريقة ولا ما بيطلع صح
اول ما تشوفي لونه قرب يسود مرررره حطي عليه نص كوب من مرق اللحم وغطيه على طووووووول وخليه مغطى فترة دقيقه او دقيقتين لحتى يهدأ البخار.
حطي اللحمه كلها وقلبيها في الزيت لثواني وبعدها على طول اضيفي الثوم والزنجبيل المهروس.
حركيهم لحتى يختلطوا البهارات وبعدين حطي عليها البهارات الكاااامله كلها، والملح لا تكتري منه لانك اصلا حطيتي في المرق .. فجربي قبل ما تضيفي اي شي.
الحين جيبي المرق .. وخدي منه الكمية المناسبة للرز ( للـ 4 كاسات بتاخدي 8 كاسات مرق لحم )
>> لا تستعملي ماجي ترى بيخبص السالفه كلها .. لازم تعملي المرق واللحم بهادي الطريقة
اضيفي المرق الى اللحم اللي كشنتيه قبل شوي.
لما يبدأ يغلي المرق حطي عليه الرز المنقوع (طبعا بدون مويه )
خليه على نار عاليه اليييين ما تصير كمية المويه قد الرز وأقل شوي .. بعدها خففي النار بحيث يستوي الرز في المرق نفسه بدون ما تحتاجي تصفيه.
لما يضل باقي تكه ع الاستواء .. خدي منشفه نظيفه ولفيها على غطا القدر وغطي فيها القدر..... وانتبهي تطفي النار الحين .. خلي النااار على أهدأ ما يكون .. أخف من أخف شي عندك ..

بعد نص ساعه شيكي ع الرز والمرق .. اذا استوى الرز خلاص شيلي المنشفه



وصحتين وعاااااااافيه

شوفي حبيبتي الرز حطي عليه نصف بيالة شاهي موية كادي وتعرفينهاعند العطار الشي الثاني حطي لك 3انواع سلطه في ابلام صغيره يعني سرويس بعض الناس يسمونه وبعدين حطي في سرويس (بلم) سمبوسه بس خلي لفك صغير لها لاتكبرينها يخرب شكلها وواحدثاني فطائر بجبن وورق عنب بس لاتكثرين علشان يكون طعمها احلى وحطي شمعدانات ومناديل نفس اللون واهم شي الترتيب واسفه على الاطاله

الله يسعدكم ماقصرتوا يااحلى اخوات