سلام ياجماعه صراحه أول مرة اشارك ..بس ابي مشورة الطبخات
عندي جمعه في استراحة مع أهل زوجي ابي طبخة تكون سريعه وبسيطة وجديدة وغير متعبة لاني لازم اسوي كمية كثيرة
الى أخر الاسبوع عطوني طرق ...ومعليش لا يكون طلبي صعب

يعني بتسوينها بالبيت و تشيلينها معك و لا بتصلحينها هناك ؟؟؟؟؟؟؟؟؟أقترح عليك لحم بالفرن :

يتبل و يترك ليلة كاملة (ملح و خل و ليمون و بهارات من كل شكل و ثوم لو حبيتي و معجون طمام و شويييية موية ..مع بعض في الخلاط و تصبينه على اللحم المنظف و يغطى)

قطعي بصل و طماط و فلفل بارد أرباع و ممكن فلفل حار لو حبيتي .......

في صينية حطي اللحم بتتبيلته و اللي قطعتيه و قصدريها و دخليها الفرن ساعتين تقريبا و بعد ما تطلع تقدميها مع رز أبيض أو خبز حار و سلطة و يكون اللحم لذيذ و معاه صوص التتبيل ما نشف ..........

أو جيبي صينية مكرونة بالبشمل و حمريها هناك ........

1/
قطعي بطاطس شرائح مدوره واقليها صفيه بصينيه بايركس
حطي حشوه لحم مفروم (مطبوخه مع بقدونس وبصل وكل شي تحبينه)وغطيها بالبطاطس وانثري جبنه موزاريلا
وحمريه بالإستراحه..
2/
جيبي بف باستري حطي بالشريحه لحمه مفرومه وسكريها وحطي بطرفها بطاطس خليها تصير زي فخذالدجاجه وغطيهاببيض وبقسماط واقليها
3/
جيبي انواع خضار قطعيها شرائح وصفيها بصينيه وحطي فوقها دجاج منتف
وصبي عليها خلطه زبادي وجبن وبالفرن
4/
سوي مقلوبه سمك تجنن
جيبي صينيه تيفال عميقه رصي فيها بصل وطماط محموس
بعدين الطبقه الثانيه سمك متبل ومقلي
الطبقه الثالثه خضار مسلوقه بقطع كبيره
الطبقه الرابعه رز مسلوق نص سلق
اضغطي عليهم بالملاس زين وقصدريهم وحطيهم بالفرن لما يشربون المويه
وبالعافيه
طمنينا على عزيمتكم وطبخاتك..

عزيزتي أم يارا انا أطبخها في بيتي وبجهزها تماما لاني اروح وقت الغداء وهي معايا
شكرا لتواصلك واختي مبرقعه بس (مابي اقول حولا )
ياسلام عليك شكرا لك ....واتحفوني كمان