السلام عليكم
لجميع اخواتي الفاضلات
زوجي يحب لحم الأبل وجربت عدة طرق بس ماعجبته , الي عندها طريقة تساعدني فيها أدعيلها ليل ونهار
وشكرا.......

اهلا وسهلا بك يا اختي
كان بودي مساعدتك ولكن للاسف لا اعلم شيئا عن طرق طبخ لحوم الجمال
وان شاء الله ستقوم الاخوات بمساعدتك

السلام عليكم ورحمة الله وبركاته
سمعت من أحدى الأخوات أثنا عمل كبسة الرز لاتضعين الطماطم0000لأن الطماطم يساعدعلى أنكماش اللحمه0 0

بسم الله الرحمن الرحيم شوفي طريقتى يكم نتعجبك اول شي اسللقى الحم فترة طويلة او حطية بقدر الظغط وبعدالاستواء تكوني مسوية كشنة عادية تحمسى الحم فيها وشمي الريحه الخيال الطريقه الثالنيه تبهر الحم من اليل وتحطي مع البهارات عصير ليمون وكركم او صبغه وبعدين اذا جيتي تسويه جيبي مويه مغليه في صينيه فرن وجيبي قصدير وسو فية ثقوب وحطي اللحم فوق القصدير مع فلفل حار علشان ريحته تصير حلوة وغطيه مرة ثالنيه بالقصدير وحطيه بالفرن ساعه الي ساعه ونصف اذااستوا صفيه على الرز تكوني مسويته لحاله او تحطينه تحت الحم في الصينيه ويصير لك مندي واذا خلص تشبين فحمه وتحطينها على زيت حار علشان تطلعلك ريحه مندي اصلي وفيه ياقلبي طرق تانيه بعد اذا تبين

غالية والطلب رخيص
اسمعي اول شيء جيبي اللحمة وغسليها وصفيها من الماء وجيبي قدر الضغط وحطي فيه بصل مقطع وكشنيه وبعدين حطي اللحمة اهم شيء يكون فيها من شحم السنام لأن هو اللي بيعطيها نكهة حلوة وقلبي فيها شويه وحطي الملح والبهارات واذا حبيتي حبة بندورة ( طماطم ) وقلبيها لحد ماتتسبك وحطي قليل من الماء اللي تعرفي انه يسويها وقفلي عليه وخليه على النار لمدة نصف ساعة وبعدين طفي النار وافتحي القدر وذوقي ملحه وشوفي اذا فيه مويه ولعي عليه النار بدون غطاء يعني لاتغطين القدر لحد مايشرب المرقة كلها وبعدين قلقليه قصري النار وقلبي فيه لحد مايتحمروطفي النار وقدميه مع الرز الأبيض انا دائما اسويه بهذه الطريقة ويجيبون الصحن فاضي
جربيه ماراح تخسري ترى اللحم يطلع مستوي مرررررررررة اذا كان لحم حاشي صغير
جربيه وادعيلي ان الله يرزقني شغالة تخاف ربها وردي علي انا في انتظارك
ملاحظة :
يقولون اذا كانت الوحدة حامل واكلت لحم الابل يسير حملها عشر شهور يأخر الولادة اذا كنت حامل لالالالالالالالالالالالاتاكلينه
هههههههههههههههههههههههههههه

و عليكم السلام و الرحمة..
كان ودي افيدك بس للاسف ما عندي اي فكرة..لكن الاخوات ماشاءالله كفوا و وفوا

إحمسي في قدر الضغط البصل و اللحم و الطماط و صبي ماء مغلي و سكري القدرو خليه على نار هادية 25 دقيقة أو نص ساعة

إفتحي القدر و حطي خضار: جزر أعواد و فاصوليا و كوسة أعواد و إتركيه يغلي بدون ما تقفلينه 5 دقايق.....

كبي الرز المغسول و المنقوع ساعة و إملحي و حطي بهارات عدلة (كمون و حب كزبرو و هيل و مسمار)و بعدين قرع مقطع مكعبات و أوزني الموية ما ترتفع كثير عن الرز لأن الخضار تفرز ماء......

إقفليه ربع ساعة ............

أحلى مضغوط حاشي بالخضار .............

مشكوووووووووووووووورين ما قصرتوا جزاكم الله خير