اليوم الأكلة رهييييبة حتى ولدي أكلها (هو ما ياكل أي شيء أحمر .. وبنتي ما تاكل أي شيء أخضر هاهاها)
4 كاسات صغار برغل .. مغسول وجاهز
دجاجة مقطعة أثمان
بصلة مقطعة حلقات
3 فصوص ثوم مقطعة جوليان
ملعقتين صلصة
ملعقة خل أحمر
ملعقة كاتشب
اسلقي الدجاج عادي نص سوا وحطيه في صينية فرن
كشني البصل والثوم الين يصيروا شفافين وحطي عليهم الكاتشب والصلصة والخل وسبكيها شوية
ادهني الدجاج فيها ودخليه الفرن يتحمر
بالنسبة للبرغل اطبخيه زي الرز بالضبط يعني حطيه في قدر وحطي عليه من موية سلق الدجاج ولما يغلي وطي النار مرررررة الين يستوي
سويت معاه بطاطس بال rosemary ... جبت من البطاطس الصغاااااااار الناعميييييييييين اللي قشرتها مررررررررة خفيفة وغسلتها كوييييييييييس بدون ما أقشرها ... وقطعتها زي ال fries ... وحطيتها في صينية فرن ودهنتها بخلطة (rosemary + زيت زيتون + ملح) وحطيتها في الفرن 20 دقيقة ...
لما تقدمي البرغل ... حطيه في الصخن وصبي الصلصة فوقه ووزعي الدجاج من فوق ...
أنا أقدم معاها مخلل ثوم
بالعافية
رد مع الاستدلال
ووصفاتك مبتكره 
الروابط المفضلة