بسم الله الرحمن الرحيم السلام عليكم ورحمة الله وبركاته
الحقوااااااااااااااااااااااااااااا ياااااا بنات وياا سيدات
اليوم عملت محشى باذنجان +فلفل رومى +كوسه
وكان حلو اوى
واكيد ما فيش حد يغلب المصريات فى عمايل المحشى خطير
المقادير :
1 ك باذنجان اسود رفيع
نصف كيلو فلفل رومى
نصف كيلو كوسه
كيلو طماطم او حوالى 13 حبه متوسطه من الطماطم
بصلتين متوسطتين
معلقتين سمن
3 اكواب ارز عادى وليس السعودى
خضره محشى ( كوسبره +بقدونس )
ملح + فلفل اسود+ كوسبره ناشفه شويه صغيرين + حسب الرغبه ( توابل اللحمه وشطه ) تعطيها نكهه طيبه التوابل
***************************************
الطريقه :
نبشر البصلتين ونأخد من البشر ملعقه كبيره منه خارجا ونوضع البشر كله مع السمن على النار حتى يكون لون
البصل وردى +نضرب الطماطم بالخلاط مع شويه مياه وتصفى الطماطم جيداا بعد الضرب بالخلاط
وتوضع على البصل وتترك حتى تتسبك كويس ( يعنى تبقى ناشفه ما فيها مياه خالص )
وبعد كده تغسلى الارز كويس وتصفيه خالص من المياه وتضعيه على الطماطم وتقلب تقليبتين على النار ثم ترفعى
الخليط من على النار
ثم تجيبى الخضره وتقطعيها رفيع جداااااااااااااااااا وتغسليها وتصفى جيدااااااااا
ثم نضيفها على الاطماطم والارز وليه الخضره اخر حاجه هقول لك علشان لو حتطيها على النار او مع الارز
هتسمر ومش هيبقى شكلها حلو
بس وتقلبى الخليط جيدا وتقليبيه فى وعاء واسع ليبرد ثم تحشى به الباذنجان والفلفل والكوسه
وبألف هنا والشفا
ورينى الشطاره بقى يااااااااااااااااااا جماعه
الروابط المفضلة