السلأم عليكم...
منتدى رائع جدا...أخواتي ممكن طريقة الحمام المحشي باالفريك...
وجزاكم الله خيرا

طريقتو سهلة كتير ..

بتنظفي الحمام كتير منيح بالملح والخل وحطي على مصفاي عشان يتصفى من مية الغسيل ..

هلا حسب كمية الحمام بدك تحطي الفريك ..

افرمي بصلة فرم ناعم .. وقلبيها بالزيت .. حطي عليها الفريك بعد ما تكوني نقتيه وغسلتيه وصفتيه منيح من الماي .. قلبيهم مع بعض وحطي عليهم ملح وفلفل وبهارات وشوية قرفة وقلبيهم شوي بعدين حطي عليهم ماي مغلي مذوب فيه ماجي (الماء حسب كمية الفريك وحتى الغمرة) وبس يغلي غطيهم واتركيهم من 10 إلى 15 دقيقة .. خلال هاي الفترة تبلي الحمام بالملح والفلفل والبهارات والقرفة من الداخل والخارج منيح .. وقلي شوية صنوبر ولوز .. هلا بس تستوي الفريك حطي عليه المكسرات وقلبيهم شوي عشان يتوزعو واتركيهم يبردو .. بعدين إحشي الحمام وسكريه ما في داعي للخيط ممكن نكاشات الأسنان وحطيهم بالفرن .. هلأ زي ما بدك ممكن تحطيهم بالكيس الخاص بالفرن (هاي طريقتي لأنها أطيب) أو حطيهم بصينية الفرن وغطيه بالفويل وقبل ما تطلعيهم من الفرن كشفيهم حتى تنشف ميتهم .. وممكن تحمريهم شوي بالزيت وتحطيهم بطنجرة وحطي عليه ماي والباقي من حشوة الفريك واتركيهم حتى يستوي وهيم بتاكلي حمام محشي مع الشوربة تبعو .. وممكن تضيفي شوية لحمة مفرومة للحشوة..

إن شاء الله أكون فدتك .. وأي استفسار أنا بالخدمة ..

اتمنى ان تكوني استفدتي اختي

والله يسعدك ام ايموني على المساعدة

تسلم يدينك أم أيموني على الوصفه الحلوه