لكم هالدجاج اللذيذ
الطريقه
بس تغسلين الدجاجه تمام بالملح والخل عشان يطلع الدم منه مرتين اوثلاث وتقطعيه بجلده وبعدين تحطينه بالقدر بدون ماء وتضيفين له ثوم وكم عود دارسين وبصله كبيره مقطعه قطع كبيره وحبة فليفله مقطعه مثل البصل وشويه فلفل اسود ومسمارين او ثلاثه قرنفل وشوية زيت زيتون وملح وليمون ... وتغطي القدر وتحطيه على نار هادئه لمدة 10-15 دقيقه مع تحريك القدر من وقت لآخر عشان الدجاج اللي فوق يتشرب من الماء الناتج ويأخذ الطعم...
وبس يخلص الوقت تركيه يبرد وبعدين اعملي خلطه من (الكتشب وزيت الزيتون وقليل من الزعتر) وادهني كل قطعه بالخلطه ودخليهم الفرن لتحمر وتنشف من تحت وبعدين شغلي النار من فوق)... وممكن تعمليها على الفحم بعد دهنها بالخلطه تطلع اطعم والذ... والف هنا وعافيه على قلبك وقلوب اللي بياكلوها

* لا تستعملي الملعقه في تحريك الدجاج لان ذلك قد يؤثر على الدجاج ويخدشه وبالتالي يخرب شكله
* ممكن تستعملي افخاذ الدجاج للعزومات وقبل ما تدخليها الفرن غطي القدم بقطعه صغيره من الالمنيوم (القصدير) ورصيها في صحن التقديم ... تطلع فضيعه شكل وطعم

هلا بالعمانية قلت لك من قبل انك فنانة .... شوفي طلعي الفن المستخبي طلعي ... بس للحين انتظر الجباتي بالبطاطس ....................

مشكووووووووووووووره ياعمانيه ماتقصرين

بصراحة يا عمانية

يعجبني أكلك مرررة

باين عليها لذيذة جدا جدا

ان شاء الله أسويها وأردلك في أقرب فرصة

هلا بالعمانيه

مشـكـووووووووور عيوني

هلا بفوفو... هذا من ذوقك حبيبتي بس والله ماني ناسيه الشباتي بالبطاطس بس اعذريني هالايام ما عندي شغاله والدوام من صوب والاطفال ماشاء الله عليهم والوقت اللي ما يساعد العصر تحسيه قصييييير واجد... بس لن شاء الله افضى احط لك اياه ...

اهلين بسويييييره الغاليه... العفو حبيبتي واجب


هلا برنّود81..تسلمين حبيبتي جربيها وانتظر ردك



اهليييين ببنت الجزيره ... العفو حبيبتي واجب (هذا قليل مما لديكم)

عمانيه....! مش مصدقه، وينك اختفيت؟ تسلم إيديك يا غاليه.

أنا سويته أمس وجهزته علشان السحور من بدري لأني كنت معزومة
ويم جيت بالليل لقيت زوجي متسحر عند ربعه ولا سويتها

بس ولا يهمك إن شاء الله أسويها اليوم

أبشرك سويه وطلع رووعة
وميزته انه سهل وسريع ولذيذ

بشارة خير والله
مشكوره يارناد انك غلبتي نفسك وجربتيه والحمد لله انه عجبك ... وبالفعل ميزته انه سريع خصوصا في الازمات تعرفين لو حطيتي صحن تبوله وصحن حمص جنبه يطلع يااااااااي... لذيذ شهيتيني والله

في انتظار باقي التجارب ... من اهل الثقه